Креативна мајка навистина знае како да им го привлече вниманието на своите ќерки.
Саманта Ли создава занимлива и колоритна уметност во чинија, прикажувајќи ликови од цртани филмови и познати личности и раскажувајќи кратки приказни. Со своите дела Ли има привлечено 200.000 следбеници на Instagram.
„Никогаш не сум посетувала часови за готвење или обуки. Јас сум многу обична мајка домаќинка“ – изјавила таа за Today и дополнила дека е многу благодарна што нејзините проекти привлекуваат огромно внимание.
Талентираната мајка на две девојчиња од Малезија започнала да си „игра“ со храна пред четири години, бидејќи нејзината тогаш 2-годишна ќерка јадела многу бавно. Користејќи свежи зеленчуци и овошни плодови, леб и ориз, таа започнала да пресоздава ликови кои го задржувале интересот на малото девојче.
Освен што нејзините јадливи дела изгледаат примамливо, тие се и многу вкусни. „Научив дека уметноста од храна за деца не треба само да изгледа декоративно и фенси. Таа треба да биде вкусна исто како што изгледа“ – рекла таа.
