Во денешно време многу луѓе се борат со вишокот килограми и со дебелината која може да биде причина за сериозно влошување на здравјето. Пет лица покажуваат дека слабеењето и одржувањето на нормална телесна тежина е резултат на решителност, волја, здрава исхрана и физичка активност.
Во своето издание „Look Great, Feel Good in 2014“ списанието „People“ објави пет успешни приказни на луѓе кои успеале целосно да си го променат животот и изгледот кон подобро.
Ви треба инспирација?
Шери Семјуелс
Некогаш: 116 килограми
Шери консумирала основно брза храна – чипс, сладолед, колачиња, иако семејството ја охрабрувало да ја промени исхраната. Откако самата одлучила дека треба да направи нешто за својата дебелина, таа започнала да вежба редовно и да ја контролира големината на порциите, а и се префрлила на веганска исхрана.
Сега 61 килограм
Кејтлин Екстром
Некогаш: 119 килограми
Два главни фактори се „виновни“ за промената на начинот на живот на Кејтлин, која се борела со вишокот килограми уште од пубертетот – тоа што бил откриен рак кај нејзината мајка и тоа што си посвоила енергично куче.
Сега: 58 килограми
Коди Ситон
Некогаш: 159 килограми
„Моето хоби беше храната... постојано јадев, јадев без размислување“ – признал Коди. Еден ден решил да си го промени животот и се зачленил во фитнес клуб. „Одев во таа вежбална секој ден и си реков дека ќе се будам еден час порано и дека ќе останувам во таа вежбална секој ден по 45 минути. Си дадов ветување себеси и навистина ми е мило што го одржав“ – открил тој.
Сега 79 килограми
Деби Лазински
Некогаш: 144 килограми
Деби признава дека години наназад се хранела основно со леб, тестенини, бели печива и пица. „Се навикнуваш да гледаат на тебе како на невидлива или личност која не вреди, па тоа ја обојува и твојата личност“ – рекла таа за деновите кога секојдневно се мачела со дебелината.
Откако ослабела, таа си ја зголемила самодовербата и изјавила дека се чувствува прекрасно. „Можам да ги прекрстам нозете. Можам да направам сè. Сега верувам во себе“ – изјавила Деби.
Сега 60 килограми
Џинџер Стафахер
Некогаш: 120 килограми
„Еден ден требаше да се движам низ снег, мислев дека ќе умрам“ – рекла таа и објаснила дека ослабела со трчање.
Сега 60 килограми
