Во денешно време Instagram ѕвездите најмногу пари заработуваат од промовирање на производи на познатите брендови.
Компанија за чаеви за слабеење одлучила да го искористи овој тренд, но наместо да ѝ плати на некоја инфлуенсерка за реклама, таа ги фотошопирала своите производи на фотографии на Instagram ѕвезда. Целта очигледно била да се создаде впечаток дека убавата девојка е во одлична физичка форма благодарение на чаевите на фирмата.
Пиа Муленбек преку Twitter ги извести фановите дека компанијата SkinnyMint ѝ ги краде фотографиите од Instagram профилот за промотивни цели.
„Фотографија украдена од SkinnyMintCom. Производот е фотошопиран. Очигледно е лажна“ – напиша таа.
Оригиналната фотографија објавена на Instagram
Оригиналната фотографија објавена на Instagram
26-годишната девојка, која ја следат 1,7 милиони обожаватели на популарната социјална мрежа, се откажала од својата потенцијална кариера како адвокат за да стане блoгерка и модел. Пиа поседува свој луксузен бренд за спортска опрема „SLINKII“.
