Татјана Лазаревска е меѓу повеќето славни македонски личности кои се приклучија во кампањата за безбедност во сообраќајот.
„Со задоволство ја облеков жолтата маичка која е симбол на кампањата за безбедност во сообраќајот. Многу често одам на турнеи во Австралија и верувајте таму буквално сите го носат сигурносниот појас. За жал, кај нас сè уште постојат учесници во сообраќајот кои сметаат дека сигурносниот појас е само декор во автомобилот, а не нешто кое може да ти го спаси животот. Апелирам до сите учесници да ги почитуваат правилата и да го почитуваат пред сè својот живот, а потоа животот на другите“ – изјави познатата фолк пејачка.
Причината за отпочнување на кампањата е потребата за подигнување на јавната свест, укажување на значителната бројка на жртви и повредени во сообраќајни незгоди, како и потребата од превенирање и укажување на последиците од сообраќајните незгоди. Податоците покажуваат дека на патиштата низ нашата држава секој втор ден згаснува по еден живот.
Слоганот на кампањата е „Почитувај ги правилата, почитувај го животот!“, додека централната порака е „Вози безбедно со врзан појас!“.
