Татко од Вирџинија, САД, освои илјадници срца со посветеноста и љубовта кон своето синче.
Имено, Роберт Шелби постојано си лепи туба за хранење на стомакот, за да му ја зголеми самодовербата на малото синче, кое поради болест мора да носи туба и да се храни преку неа.
Грижливиот родител сподели фотографија на која и двајцата гордо позираат со тубите и привлече море од комплименти за својот гест. „Сакав да му покажам на син ми дека не е сам. Го направив многу среќен и горд на она што е“ – изјавил Роберт.
По раѓањето, на 3-годишниот Чејс му била дијагностицирана срцева болест (Тетралогија Фалот). Па, поради дијагнозата малото момче не смее да се храни орално и мора да се храни преку туба.
„Се додека дишам, секогаш ќе го поддржувам мојот син и тој никогаш нема да води сам ниту една борба“ – пишува таткото.
Фотографијата всушност била направена минатата година, но Шелби ја сподели минатиот месец, за што доби многу позитивен фидбек. „Постојат луѓе кои ни се заблагодаруваат за тоа што сме доволно храбри и што ја споделивме фотографијата и ни велат дека ги инспирираме да не се срамат од своите туби за хранење“ – вели Шелби.
Роберт ја раскажа приказната зад идејата постојано да си лепи туба на стомакот. „Син ми ми рече: Тато зошто јас имам, а ти немаш туба за хранење? И јас му одговорив: Само супер-бебињата имаат туба. Па тој ми рече: Но тато, ти си супер-татко и ти мораш да имаш таква“ – објаснил Шелби.