Европската титула на ракометарите на Вардар е најголемиот спортски успех во изминатава деценија во нашата земја! Спортска Македонија се израдува како никогаш досега, и за време на историскиот спортски викенд, и на дочекот на хероите во Скопје.
Екипата на Раул Гонзалез предизвика огромна радост и меѓу оние кои пасионирано следат спорт и меѓу оние кои понесени од спортската еуфорија го бодреа Вардар деновиве. Па, секој Македонец сакаше да го дознае и најмалиот детаљ за вардарци и нивниот поход кон историската титула.
Во трите дена по освојувањето на титулата, Gol.mk имаше рекордна посетеност, зацврстувајќи се на првото место како најчитан спортски медиум во Македонија. За само три дена, македонската публика прелиста скоро 2 милиони страници при 450.000 остварени посети на Gol.mk!
Нешто повеќе, Gol.mk е убедливо најсподелуваниот македонски медиум на Facebook за изминативе 30 дена (Извор: Grid Analytics). Gol.mk има повеќе интеракции на социјалните мрежи од вториот и третиот медиум на листата земени заедно. Никогаш во Македонија еден спортски медиум не доминирал на ваков начин кај македонската публика!
Покрај ова завидно постигнување, одушевувачки е и податокот што веста на Gol.mk за освоената титула на Вардар е споделена над 20.000 пати на Facebook – апсолутен рекорд!
И за сè е заслужна СПОРТСКА МАКЕДОНИЈА!