Ова е првата и единствена женска петорка во САД. Петте девојчиња се родија пред три години, а еве како изгледаат денес.
Ева Лејн, Оливија Мери, Хејзел Грејс, Паркер Кејт и Рајли Пејџ се родија на 8 април 2015, со царски рез. Бидејќи биле родени во 28. недела од бременоста, тие ги поминале првите неколку месеци од животот во Одделот за интензивна нега. Нивните родители Адам и Даниел Басби морале да чекаат цела недела за да ги земат првпат во прегратка.
Адам и Даниел имаат уште една ќерка, 7-годишната Блејк. Бидејќи со години се бореле со неплодност, тие ги добиле двете бремености со помош на инсеминација. Но, во втората бременост никој не можел ни да претпостави дека тие ќе добијат не едно, не две, не три, не четири, туку пет бебиња. Сите женски. Веројатноста тоа да се случи е 1 на 41 милион.
„Го направивме истото нешто што го направивме и за нашата прва ќерка Блејк – инсеминација. Но, тоа резултираше со петорка.“
„Кога ги видов петте бебиња на мониторот, започнав да се тресам и го испуштив кафето“ – раскажал Адам за првиот преглед кога ја доби веста за петте бебиња.
„Полудев, само повторував: Пет? Пет бебиња? Всушност ми беше смешно. Потребни ми беа неколку дена за да се соземам и за да се роди стравот. Но, исто така беше многу неверојатно. Ние сме родители кои две години се обидуваа да го добијат првото дете, а сега одеднаш добивме пет. Само си помислив: Ова е чудо и предизвик, но ние ќе се справиме со него“ – рекла Даниел.
„Прилично е хаотично. Никогаш немам одмор. Дури и кога спијат преку ден, јас морам да започнам да им приготвувам вечера или да им ги исперам алиштата. Тие се насекаде – на каучот, на масите, секаде каде што можат да ги стават нивните мали рачиња и ноџиња“ – изјавил Адам пред две години.
Во текот на бременоста, докторите ја советувале Даниел да абортира три од бебињата за да им даде поголеми шанси за живот на останатите. Таа одбила и ги родила сите бебиња живи, што е навистина ретко. Парот вели дека уште во моментот кога ја дознал веста дека ќе има петорка, се почувствувал благословено.
„Каков благослов е да се видат и слушнат 5 мали срца“ – велат тие.
Откако сите бебиња биле испишани од болница и било јасно дека се во добра здравствена состојба, родителите започнале да го документираат нивното растење на Instagram, а една година по нивното раѓање започнало да се снима реалното шоу OutDaughtered, кое го следи животот на семејството Басби во Тексас.
Од петте бебиња само две се идентични близначки.
Минатиот месец, парот сподели видео од третиот роденден на девојчињата.