Битолчани ја исполнија салата во „Центарот на култура“ за да уживаат во новогодишната џез бајка „Будење на заспаната убавица“. Музичкото патување кое ја засили еуфоричната атмосфера, го најавува почетокот на празничната сезона.
На сцената настапија „Фрагмент“, а поточно Јасна Мажевска (вокал), Стефан Тасевски (алт и сопран саксофон), Марјан Павловски (тапани), Никола Баљари (бас гитара и контрабас), Горан Димитровски (гитара) и Давор Неќак (пијано), како и актерите Огнен Дранговски и Катерина Аневска Дранговска.
Покровителот на концертот „Божиновски часовници и накит“ потенцираше дека ќе се погрижи истиот да стане традиционален и да биде силен мотив за повторно враќање на културниот живот во Битола. Погледнете ги фотографиите и ѕирнете во синоќешната магија која ја обзеде Битола.