Татко преку краток текст испраќа важна порака до мажите – да се вклучат повеќе во домашните обврски.
Пол Барбаро го напишал текстот кога неговата сопруга Адел била болна и истоштена, но и покрај тоа, нивниот дом бил исчистен, вечерата зготвена, а децата негувани и сакани.
Отпрво, се гордеев со себеси. Легнав 2 деца и една возрасна личност во кревет пред 19.30 часот. Додека тивко излегував од собата, започнав да си мислам како ќе ја поминам вечерта... Првата мисла ми беше дека ќе јадам Нутела од тегла додека гледам „Back to the Future“, но тогаш се свртив назад, ја погледнав мојата сопруга и моето мало девојче и тогаш ми светна... И двете се многу болни, навистина затнати и апсолутно истоштени по 3 ноќи без или со многу малку спиење и за двете. Се почувствував како кретен што си мислев како сега ќе си уживам во неколку часа само за мене додека таа ме става мене и нашето семејство пред нејзиното здравје и ниту еднаш се нема пожалено.
Ви се верува ли дека кога се прибрав дома имаше пресно зготвен специјалитет, чиста куќа и на некаков начин облеката беше извадена од машината, здиплена и средена! Како жена ми да има екстра 4 часа на ден кои ние, обичните смртници, ги немаме.
Како маж, мислам дека вистински не знам, ниту пак некогаш ќе знам, како изгледа истоштеноста на истиот начин како што знае една Мајка. Вечерва, додека ја смирував нашата ќерка и се обидував да ја заспијам, Адел рече дека малку ќе подлегне пред да ја исчисти кујната и да ми подготви ручек за утре. Нејзината последна мисла пред да заспие беше: „Морам да ја исчистам кујната и да му направам на сопругот ручек за утре“, а мојата последна мисла беше: „Јеее, закуска и ТВ“.
Па, наместо да го направам тоа, го напишав ова за да ви кажам дека зад сите тие блогерски постови, шеги, препораки, рецензии и подароци, постои вистинска личност и таа е неверојатна жена која ја обожавам. А сега, одам да ја исчистам кујната и потоа ќе разгледам низ дома за да видам што можам да направам за да ѝ го олеснам утрешниот ден.
Секој друг сопруг кој го чита ова, ве поттикнувам да го направите истото... Се обложувам дека вистинската мајка во вашето домаќинство е исто толку истоштена.
