Денес е Светскиот ден на бакнувањето, неофицијален празник кој служи како потсетување за незаменливото задоволството кое ни го носи бакнежот. Спојувањето на усните и сензуалниот танц на јазиците е совршен механизам за комуникација, универзален јазик кој сите го зборуваме, а кој има сила да ги пренесе нашите најдлабоки чувства – љубов, приврзаност, страст...
Во чест на овој позитивен ден, еве неколку интересни факти за бакнувањето:
- Просечниот човек поминува 15 дена од својот живот во бакнување.
- Усните се стотина пати почувствителни од врвовите на прстите и имаат милиони нервни завршетоци кои ја стимулираат желбата за повеќе и повеќе бакнежи.
- Додека се бакнуваат, повеќето луѓе ја вртат главата на десната страна.
- Најголем дел од луѓето се сеќаваат на повеќе детали од својот прв бакнеж отколку од своето прво сексуално искуство.
- Страсниот едноминутен бакнеж согорува до 26 калории.
- Двојно повеќе мажи од жени би имале секс со лице кое лошо се бакнува.
- Страсните бакнежи го покачуваат крвниот притисок, го забрзуваат ритамот на срцето и ја зголемуваат возбудата, што ве носи поблиску до оргазам.
- Исто како што секоја снегулка е различна, секој отпечаток од усните е уникатен и посебен.
- Мажите кои ги бакнуваат своите сопруги наутро живеат 5 години подолго од оние што не ги поздравуваат со бакнеж.
- Бакнувањето делува како дрога врз нашето тело. Со допирањето на нашите усни, телото лачи допамин – истиот невротрансмитер стимулиран од дрогите кои предизвикуваат зависност.
- Со разменувањето на течности при бакнување, мажите им пренесуваат на своите партнерки тестостерон, кој им го зголемува либидото.
- Бакнежот помага да се релаксирате и ги намалува негативните ефекти од стресот.
- Просечна жена бакнува 29 мажи пред да стапи во брак.
- Брзиот бакнеж активира само два мускули, но страсниот француски бакнеж активира 34 мускули од вашето лице.
- 50% од луѓето го доживеале својот прв бакнеж пред да наполнат 14 години.
Активирајте ги вашите усни и подарете и примете барем неколку сензуални бакнежи. Искористете го овој ден како изговор за да украдете бакнеж од личноста која ви го затреперува срцето.
