Бриџер Вокер освои милиони срца минатата година. Храброто момче си го ризикуваше животот за да ја спаси помалата сестричка од брутален напад на куче.
Смелото детенце, кое се здоби со страшна повреда на лицето и главата, неодамна доби прекрасно изненадување – покана да присуствува на сетот на новиот филм за Спајдермен и да се дружи со главните актери Том Холанд и Зендаја.
Бриџер ја имаше честа да учестува во вежба за сцена со Холанд, кој е заслужен за забавното изненадување.
„Се сеќавате кога Том Холанд му вети на Бриџер дека ќе дојде на сетот на снимањето на Спајдермен? Тој си го оствари ветувањето!“ – напиша таткото во описот на фотографиите.
Видеа:
„Кратко време откако пристигнавме, Том и Зендаја дојдоја кај нас. Никогаш нема да ја заборавам љубезноста која ја покажаа кон нашите деца. Зендаја ѝ пријде на мојата ќерка тинејџерка и ѝ рече дека многу ѝ се допаѓаат нејзините нокти. Овој мал гест ми значи премногу – да ја видам мојата слатка ќерка како блика со самодоверба и радост“ – изјавил таткото.
Бриџер имаше 90 конци на лицето по нападот од бесното куче. „Ако некој треба да умре, сметав дека тоа треба да сум јас“ – изјави тој.
