Меланија Трамп беше домаќинка на формален ручек во Белата куќа по повод Меѓународниот ден на жената.
Првата дама на САД со широка насмевка зачекори меѓу гостинките во црн фустан од Ралф Лорен.
За време на настанот, 46-годишната сопруга на Доналд Трамп одржа говор за родовата еднаквост. „Како имигрантка и личност која има растено во комунистичко општество, многу добро ја знам важноста на слободата и еднаквите можности – идеи врз кои е основана оваа голема нација.“
„Продолжувам цврсто да верувам дека образованието е најмоќниот начин за промовирање и осигурување на женските права. Заедно ќе го направиме ова не само со стремеж кон родова еднаквост на сите нивоа на образование, туку и покажувајќи им на сите деца, особено момчињата, дека преку емпатија, почит и љубезност можеме да го достигнеме колективниот потенцијал“ – рече таа.
И Иванка Трамп беше меѓу жените кои се дружеа на официјалниот настан.