Меланија Трамп претпразнично ги посети малите пациенти во Националната детска болница во Вашингтон.
Првата дама на САД читаше приказни додека седеше со две дечиња и Дедо Мраз покрај украсена елка, а потоа разговараше со дел од родителите и децата.
Модната комбинација на 48-годишната сопруга на Доналд Трамп беше во духот на празниците и асоцираше на празнично бастунче. Црвено-белото палто е дело на германскиот бренд Томас Мајер додека складните чевли се од Маноло Бланик.
Еден ден претходно, таа ја посети воената база во Хемптон, Вирџинија.