Во рамките на предсвадбената турнеја, Меган Маркл и принцот Хари отпатуваа во Белфаст за првата заедничка официјална посета на Северна Ирска, која досега беше чувана во тајност.
Тие ќе имаат можност да се сретнат со млади лица кои ќе им ги пренесат нивните аспирации за мирна и просперитетна иднина во Северна Ирска, како и да ги разгледаат најпопуларните знаменитости во градот.
Поранешната актерка носеше блуза од кашмир од Victoria Beckham, зелено здолниште од Greta Constantine, палто од брендот Mackage, обувки од Jimmy Choo и чантичка од Charlotte Elizabeth.
Идната претставничка на британското кралско семејство освојуваше со шармантната насмевка додека се поздравуваше со граѓаните кои ги пречекаа.
