Џош Сандквист не престанува да одушевува. 38-годишниот параолимпиец, кој ја изгуби едната нога поради рак, секоја година смислува нова креативна маска за Халовин.
Оваа година, тој се маскираше во Мјолнир, чеканот на Тор од филмовите на Марвел. Сите негови костими вклучуваат користење на само една нога.
На 9-годишна возраст, на Џош му бил дијагностициран Евингов сарком, ретка форма на рак на коските и му биле прогнозирани 50% шанси дека ќе преживее.
Момчето минало една година примајќи хемотерапија и левата нога му била ампутирана. На 13-годишна возраст тој прогласи победа над болеста.
Три години подоцна, Џош започна да учествува во натпревари за скијање. Тој не се откажа од спортот и во 2006 година беше дел од скијачкиот тим на САД за Параолимпијадата во Торино.
Сандквист ја претставува Америка и на интернационални натпревари како член на Фудбалскиот тим со ампутации.
Џош сега работи и како мотивациски говорник и има стотици илјади следбеници на социјалните мрежи.
Погледнете ги сите негови маски низ годините:
2021
2020
2019
2018
2017
2016
2015
2014
2013
2012
