Југословенскиот драмски театар на креативен начин привлекува публика.
Неколку од истакнатите актери влегоа во улога на таксисти за да ги изненадат своите клиенти. Додека ги возеа случајните патници со такси-возило низ Белград, актерите „спонтано“ започнаа да им раскажуваат драматични случки. Патниците поверуваа дека наидоа на разговорлив таксист со несекојдневна сторија и до самиот крај не претпоставија дека всушност слушаат драмски заплет инспириран од дело на Достоевски или Шекспир.
По креативната промоција, сигурно многумина ќе проверат што има на репертоарот на театарот.
