Професионална фотографка, која има овековечено повеќе од 100 породувања, објави дел од своите најмоќни фотографии кои ја покажуваат магијата на раѓањето нов живот.
Моне Никол има присуствувано на секаков тип породувања, од породувања во када во домашни услови до царски рез во операционата сала.
„Сум била сведок и сум доловила моменти на неверојатна сила, силни сомнежи и огромна радост. Едноставно не постои нешто што предизвикува толку големи емоции како раѓањето. Ангажирањето на професионален фотограф може да помогне да им се даде форма и моќ на тие спомени.“
„Пикот на човечките емоции најчесто се појавува во часовите околу земањето на првиот здив на бебето“ – вели таа.
Дел од фотографиите ѝ се драги поради приказната која ја раскажуваат, а дел поради совршениот тајминг и агол на фотографирање.
Немам зборови за оваа фотографија. За мене вака изгледа раѓањето – премногу емоции.
Породувањата со царски рез се неверојатни, прекрасни искуства да се видат и овековечат. Сè повеќе здравствени работници вложуваат напори семејството да биде во центарот на овие породувања.
Зборовите не можат да ја опишат силата на оваа жена која роди совршено девојче во операционата сала, само минути пред да започнат да ѝ прават итен царски рез
Многу често луѓето мислат дека природното породување без користење на лекарства значи врескање и огромна болка, но најчесто изгледа вака
Логан го роди Џек иако знаеше дека нема да има многу време со него. Копнежот и љубовта на лицето на Логан се очигледни. Тоа се копнеж и љубов кои секој родител ги има кон своите деца – копнеж и љубов кои нè измачуваат кога ќе сфатиме дека покрај нашата огромна љубов, не можеме да ги заштитиме од повредување
