Пар од Холандија патува низ светот и мами воздишки со прекрасните фотографии и видеа кои ги објавува на Instagram.
Марк и Џудит дале отказ од нивните работни места и сега заедно истражуваат неверојатни дестинации, истовремено заработувајќи за живот. За нивната нова работа, тие велат:
„Се разбира дека работиме додека патуваме. Но, се откажавме од работното време од 9 до 5 во Холандија со причина. Сакавме поголема флексибилност. Бевме уморни од истата работа секој ден и од сообраќајот додека да стигнеме на работа. Пеглање, метење со правосмукалка, перење, живеење во општество каде сите се грижат како да купат куќа или дури и поголема куќа, каде сите сакаат нов автомобил или уред и постојано проверуваат што прават соседите. Толку многу луѓе работат за нивните деца и за пензија, но не живеат во сегашноста. Ние тоа не го осудуваме, туку веруваме дека има други начини.“
„Обожаваме фотографија и видео и навистина бараме совршенство во нив. Се разбира дека тоа понекогаш е предизвик. Мора да се земат предвид многу нешта како позицијата на сонцето, времето, вашите агли. Се разбира, понекогаш мораме да се разбудиме многу порано од другите.“
„Фотографиите се прекрасен дел од нашите спомени и нè усреќуваат кога ќе се вратиме и ќе ги видиме сите убави нешта што сме ги искусиле.“
