Лагуната во Лас Колорадас привлекува огромен број туристи и не е тешко да се види зошто. Розовата боја на водата прави да се чувствувате како да сте на магично место, или на друга планета.
Прекрасната водна површина со природна живописна боја се наоѓа на брегот на полуостровот Јукатан во Мексико.
Розовата боја е резултат на големото количество ракчиња и алги богати со каротеноиди кои се наоѓаат во водата. Тоа се алгите со кои се хранат фламингата и поради кои ја добиваат розовата боја.
Лас Колорадас во минатото било место со рудници за ископување на сол. Па, поради тоа има бели ритчиња од сол кои излегуваат над површината на водата.
