Четири талентирани музичарки и бројни лица со големи срца денес ширеа порака за хуманост во продавницата за накит „Ребека“ во Скопје. Весела атмосфера владееше во трговскиот центар „Рамстор“ каде Наташа, Марија, Јелена и Невена делеа автограми и се фотографираа со фановите.
Со поддршка на „Ребека“ накит, Еурофарм аптеки, групацијата Магнетик и ЦМ Делта, женската група Фрајле преку албумот „Љубав на дар“ започна хумана мисија за помагање на борбата против рак. Впрочем, со купувањето на нивниот нов албум, секој донира 100 денари за Здружението за борба против рак „Борка“.
