„Да, јас можам“ – ова е пораката на повеќе од 140 лица со инвалидитет во моќното видео за Параолимписките игри во Рио, „We’re The Superhumans“.
Во 3-минутниот видеозапис, спортисти, музичари и јавни лица со инвалидитет свират музички инструменти, пеат, танцуваат и се натпреваруваат во различни спортови, докажувајќи дека за нив ништо не е невозможно и дека како и лицата без хендикеп, и тие можат да ги реализираат своите соништа.
Видеото е дело на Channel 4, а е продолжение на нивното видео „Meet The Superhumans“ снимено за Параолимписките игри во Лондон во 2012 година.
ПОИ оваа година ќе се одржат во периодот од 7 до 18 септември.