„Имам 422 пријатели, сепак сум осамен“ – вака Гери Турк го започнува виралното видео кое за неколку дена доби речиси 11 милиони прегледувања на YouTube.
Фокусирајќи се на негативните страни на социјалните мрежи и модерната технологија поради кои луѓето сѐ поголем дел од животот поминуваат зјапајќи во екраните, Гери преку љубовна приказна испраќа силна порака.
Во краткиот филм „Look Up“ Гери укажува на тоа дека социјалните мрежи наместо кон зближување водат кон социјална изолација, дека многу родители заборавија како да ги забавуваат своите мали деца без да користат iPad, дека „сме генерација на идиоти: паметни телефони и глупави луѓе“...
