Ноа Олдриџ му докажа на светот дека братската љубов не познава граници.
Кога 8-годишното момче дознало дека во неговиот град се организира мини-триатлон за млади лица, без двоумење решило да учествува, но под услов да го поведе со себе својот неподвижен брат Лукас.
„Ми рече: Мамо, сакам да го направам ова со брат ми. Така се роди идејата и следниот ден започнавме да тренираме“ – изјавила мајката на неразделните браќа.
Ноа три месеци напорно тренирал за да може да го турка и влече својот брат до целта. За време на триатлонот, тој возел велосипед на патека долга 4,8 километри, испливал 200 метри и истрчал 1,6 километри, без во ниту еден момент да се оддели од Лукас. Многу од сведоците на подвигот на Ноа не можеле да ги задржат солзите.
Лукас е роден со ретка здравствена состојба поради која никогаш нема да може да се движи, да зборува или да се храни сам. Сепак, тоа не е пречка за браќата да не се забавуваат заедно.
„Ми се допаѓа сè поврзано со него. Тој е совршен“ – изјавил Ноа за неговиот брат.
Семејството Олдриџ признава дека Лукас е најсреќен кога ќе го види својот брат. „Тие имаат специјална врска. Лукас се развеселува кога неговиот брат ќе влезе во собата. Љубовта меѓу овие две момчиња ќе ви стави насмевка на лицето“ – изјавил таткото на момчињата, кој со својата сопруга се труди да му овозможи на Лукас „живот без граници“.
Инспиративниот Ноа успеал да ја измине патеката за 54 минути, но насмевката на лицето на Лукас траела со часови.