Артист им дава прекрасна нова функција на старите автомобилски гуми.
Амарилдо Силвио Фиљо од Бразил пред две години забележал дека многу искористени гуми стојат нефункционални на паркингот каде што работел. Тој започнал да ги собира и да ги пренаменува во прекрасни кревети за улични кучиња и мачки.
Фиљо ги сече, мие и декорира гумите додека не ја постигне зацртаната цел. Душечињата кои ги поставува внатре самиот ги шие рачно.
Досега, Амарилдо има направено 6.000 кревети за животни кои се на улица, во засолниште или пак се веќе вдомени. Откако се прочу за неговата работа, тој добива нарачки од лица од целиот свет кои се грижат за животната средина.
