Софија, Крис и Бела-Меј
Софија Тајлер денес може да го гушне своето бебе само затоа што пред шест месеци одбила да им поверува на докторите дека слатката Бела-Меј умрела во нејзината утроба.
22-годишната Британка била неутешна кога при преглед докторите ѝ соопштиле дека не можат да го слушнат чукањето на срцето на бебето. Тие без да се двоумат ѝ рекле да земе таблети за прекинување на бременоста.
Но, младата мајка која веќе имала 3 деца решила да не ги послуша докторите и им кажала дека сака да почека 8 дена за да направат втор преглед.
Британскиот весник The Sun ја објави приказната на Софија:
Тие ми рекоа: „Имаше спонтан абортус и твоето бебе почина“. Ми рекоа да се ослободам од бебето, но по раѓањето на три деца, јас добро знаев какво е чувството да си бремена.
Дури и се сеќавам дека Крис (нејзиниот сопруг) ми велеше „испиј ги таблетите“, затоа што им веруваше на докторите. Поради тоа започнав и по малку да го мразам.
На вториот преглед докторите успеале да го слушнат чукањето на срцето на Бела и да потврдат дека е жива.
Ја гледам и си мислам дека ако ги земев таблетите таа немаше да биде тука. Тие ќе ја убиеја за само 4 часа“ – изјавила Софија.
Откако се родила, Бела-Меј се борела за својот живот затоа што била родена предвремено. Подолго време била во инкубатор на интензивна нега, а била лекувана и од жолтица. Но, сега таа е дома заедно со своите родители.
Бела-Меј во болница по раѓањето
„Таа е нашето мало чудо. Не можам да ја оставам, таа е скапоцена“ – признала нејзината мајка. „Сакав да ја викаме Лаки (Среќничка)! Сега таа е тука, тоа е прекрасно. Персоналот кој ја породуваше беше одличен. Но, ние сè уште сме бесни“ – изјавил таткото Крис.
Докторите се извиниле за направената грешка и уверувале дека човечките грешки од ваков тип се екстремно ретки.
