Понекогаш, животот ни ги испраќа вистинските луѓе во вистинскиот момент за да ни ја вратат вербата во човештвото.
Касиерот Мени, кој се бори со депресија, доби емотивно изненадување во клучен момент од неговиот живот. Кога бил запрашан од девојка испратена од Фондацијата „Dream Machine“ кој е неговиот сон, тој посакал нов автомобил. На прашањето колку пари му требаат за автомобилот, Мени одговорил: „1.000 долари“.
Девојката му го исполни сонот, а младото момче не можеше да ги запре солзите.
Во видеото, Мени сподели дека токму тоа утро имал самоубиствени мисли и не сакал да се разбуди, на што девојката му возврати дека ова е знак дека тој треба да остане тука и дека е многу сакан.
