„Туторијалот за разубавување“ на 5-годишната Обри ќе ви стави широка насмевка на лицето и можеби ќе ве потсети на вашите детски денови. Малото девојче сакало да се сними себеси како се шминка и си прави фризура инспирирано од своите омилени блогерки кои постојано ги гледало онлајн.
Видеото, во кое Обри со нашминкана уста си ги потстрижува шишките, е прегледувано повеќе од 18 милиони пати на профилот на Деби, бабата на девојчето.
Погледнете го резултатот од туторијалот на Обри и добро размислете дали ќе ѝ дозволите на вашата мала ќерка да остане со ножица во рацете без надзор:
Is this how you started, EmmaLee Wolf ?
Posted by Debbie Arnold on петок, 15 јануари 2016
Пред да започне да се снима, Обри ја замолила баба си да ѝ го постави таблетот. „Побара од мене да ѝ го наместам таблетот, бидејќи сакаше да си направи видео. Гледа многу туторијали за шминка онлајн“ – рекла Деби за ABC и додала дека потоа ѝ дала на Обри кошничка со свои шминки, но не ни помислувала дека меѓу нив има ножичка.
„Ја наместивме во кујната, а ние со мајка ѝ седнавме да поразговараме во соседната соба, претпоставувајќи дека таа добро се забавува, и така и беше“ – додала шеговито Деби.
Иако мајка ѝ и баба ѝ на Обри биле шокирани кога ја виделе со новата фризура, тие го прифатиле тоа како лекција научена на смешен начин.
