Кејти Прајс не престанува да ги шокира фановите.
46-годишниот модел во минатото беше и една од најпосакуваните и најатрактивните жени, а денес за многумина е синоним за неуспешни естетски зафати.
Прајс стигна до слава во 90-тите години на минатиот век, кога одлучи да зачекори во светот на модата, а во 1996 година позираше топлес за Page 3. Уште на 18-годишна возраст за првпат си ги зголеми градите и оттогаш помина низ бројни естетски зафати меѓу кои ринопластика, лифтинг на лице, филери на усните, ботокс, зголемување и подигнување на задникот.
Низ годините, Кејти си има направено најмалку 16 хируршки интервенции на градите, три ринопластики и два лифтинзи на лицето.
Пред неколку дена, Daily Mail објави фотографии на кои се гледаат резултатите од нејзиниот најнов зафат за бразилски лифтинг на задник.
„Пробав BBL во странство каде ти вадат од твоите масти и ти ги ставаат во задникот. Беше многу болно. И не изгледа добро на мене“ – рекла таа.
По објавувањето на фотографиите и нејзините најнови Instagram видеа, интернет корисниците не кријат дека се шокирани од нејзината трансформација.
„Кејти што си направи себеси? Беше преубава“, „Ова е многу тажно. Срцето ми се крши што ја гледам толку слаба, толку нездрава. Мислам дека ја носи тежината на светот околу својот врат“, „Душо, изгледаш многу нездраво. Посакувам да побараш помош“, „Зошто некој не ѝ помогне? Ова е тажно“ – се само дел од коментарите.
Во мај 2002 година, Прајс го роди првото дете Харви, на кој подоцна му беше дијагностициран аутизам. Нејзиниот втор син се роди во 2005 година, првата ќерка во 2007 година, третиот син во 2013 година, а втората ќерка во 2014 година.
