Овен

Петок, 26 декември 2025

Денес ќе бидете решени да ги игнорирате луѓето кои се обидуваат да ве обесхрабрат или да ви ја намалат самодовербата. Посамоуверени отсекогаш ќе итате кон вашите цели и наскоро ќе успеете да ги достигнете. Запомнете дека никој не е совршен.

Ослободете се од сите грижи пред вечерното излегување. Релаксирајте се максимално и смејте се со најшироката насмевка. Така ќе бидете најпривлечни.

Декември, 2025

Љубов

Срцето ви трепери, инстинктите ви се изоструваат, а романтичните желби ви стануваат похрабри од кога било. Декември пристигнува како искра што ги распламтува вашите страсти и ги буди сите огнени желби што ги чувавте длабоко во себе. Очекувајте љубов што се чувствува во секој атом од телото.

Сонцето во Стрелец до 21 декември ја активира вашата 9-та куќа на авантурата, експанзијата и големите љубовни гестови. Во овој период сте немирни и жедни за повеќе... за повеќе допири, за повеќе искреност и за моменти кои ги кршат правилата на секојдневието. Овните кои се во врска ќе почувствуваат како срцето им се отвора кон нови заеднички планови, а овните кои се сингл ќе остават силна трага во мислите на некој кој го симпатизираат.

Полната месечина на 5 декември свети во вашата 3-та куќа на комуникацијата и разговорите што срцето го забрзуваат. Ви претстојат признанија, пораки кои лесно ќе ги дешифрирате, флерт кој преминува во нешто многу подлабоко или ненадејно откривање на нечија намера. Некоја вистина што долго била неизговорена конечно излегува на површина.

Нептун повторно се буди и на 10 декември преминува во директно движење во Риби, односно вашата 12-та куќа на тајните и фантазиите. Конечно гледате зошто сакате, точно кого сакате и зошто некои љубовни приказни морале да завршат. Овните кои не се во врска ќе почувствуваат дека интуицијата им покажува кон кого да се приближат.

На 11 декември, Меркур влегува во Стрелец и ја продолжува огнената приказна во вашата 9-та куќа. Секој разговор носи возбуда, секоја идеја станува романтична можност, а патувањата се исполнети со романтични и сексуални искри. Вашите зборови стануваат магнет.

По 15 декември, Марс ја активира вашата 10-та куќа на статусот и долгорочното обврзување. Ќе сакате нешто посериозно, нешто стабилно, нешто што ќе ве исполни со гордост. Овните кои се во врска ќе направат силен чекор напред – свршувачка, брак, заедничко живеење. Овните кои се сингл ќе привлекуваат личности кои знаат што сакаат во животот или веќе имаат висок статус во општеството.

Младата месечина на 20 декември отвара нова љубовна врата во вашата 9-та куќа. Ова е почеток на поглавје полно со романтични авантури, љубовни патувања, духовни поврзувања и моменти кои изгледаат како филмска сцена. Срцето ви станува компас.

На 21 декември, Сонцето преминува во Јарец, осветлувајќи ја вашата 10-та куќа. Љубовта добива структура и вие чувствувате дека е време да изградите нешто трајно и стабилно.

Откако на 24 декември Венера ќе влезе во вашата 10-та куќа, уште повеќе ќе се стремите да ја зацврстите врската. Ќе сакате да стоите до партнер на кој безусловно ќе можете да се потпрете и во чии прегратки ќе се топите во студените месеци. Овните кои не се во врска може да запознаат некого преку работа, јавен настан или во момент кога ќе изгледаат најуспешно.

Пари и кариера

Декември е месец што ќе ве исправи на нозе, ќе ве протресе и ќе ве поттикне да мислите амбициозно и без граници.

Сонцето во Стрелец до 21 декември ја осветлува вашата 9-та куќа на визиите, меѓународните можности и професионалниот раст. Сè што е далечно, сè што е ново, сè што бара храброст е токму она што ќе ви носи успех.

Полна месечина на 5 декември во Близнаци ја активира вашата 3-та куќа на преговорите, документите и комуникациските проекти. Договор кој се влече може конечно да се потпише. Презентација може да ви донесе внимание. Некој разговор може да ви го смени правецот на работата.

На 10 декември Нептун преминува директно во Риби и ја расчистува вашата 12-та куќа. Конечно ги ослободувате стравовите и блокадите кои ви пречеле во професионалниот раст. Ќе знаете точно што треба да оставите зад себе за да заработувате повеќе.

Меркур влегува во Стрелец на 11 декември и повторно ја осветлува вашата 9-та куќа. Разговорите со странски партнери се интензивираат, идеите за нови насоки се раѓаат, а менталниот фокус е неверојатно силен. Мозокот ви работи со брзина на светлината.

На 15 декември вашата планета-владетел Марс ја активира вашата 10-та куќа на кариерата. Ова е еден од најсилните транзити во 2025 година за вас. Вашата амбиција се претвора во резултати, а вашиот авторитет расте, па можете да ги освојувате професионалните врвови.

Младата месечина на 20 декември повторно ја засилува 9-тата куќа и ве турка да започнете нов проект, обука, старт-ап, нова соработка или нешто што ќе ве подигне на повисока позиција во 2026 година. На овој датум ве очекува нов почеток што не смеете да го пропуштите.

На 21 декември Сонцето влегува во Јарец и ја заживува вашата 10-та куќа. Од овој момент, светлата на сцената се насочени кон вас. Може да добиете признание, унапредување или важна шанса.

Хармоничната Венера на 24 декември влегува во Јарец и создава хармонија на работа. Соработките се подобруваат, покровители и влијателни личности ви се наклонети, а вашата репутација расте. Луѓето ве перципираат како личност со која вреди да се комуницира и соработува.

Комбинацијата Сонце + Марс + Венера во вашата 10-та куќа кон крајот на месецот е космички сигнал за голем успех.

Здравје

Престојот на Сонцето во Стрелец до 21 декември ја активира вашата 9-та куќа на физичката експанзија, движењето и авантурите, па телото се буди со желба за активност. Овој период ви носи повеќе енергија, мотивација и потреба да „горите“ калории во динамични активности.

Полна месечина на 5 декември ја осветлува вашата 3-та куќа, што може да донесе момент на ментална преоптовареност. Можеби ќе почувствувате дека мозокот ви работи премногу брзо, па ви треба мал одмор, тишина или пауза од дигиталниот хаос.

На 10 декември, Нептун преминува во директно движење во вашата 12-та куќа и ви носи духовно олеснување. Стресот се растопува, а психата се чисти. Крајот на годината е совршен период за медитација, терапија, масажи, креативни ритуали и мирување.

Младата месечина на 20 декември во Стрелец повторно буди нова страница. Деветтата куќа ве охрабрува да започнете нов режим на исхрана, нов спорт или здравствена пракса што ќе ве води во новата година.

На 21 декември, Сонцето влегува во Јарец и ви носи силна дисциплина, но и предупредување да не се трошите премногу. Телото сака рутина, но не и ригидност.

Слушајте го телото и тоа ќе „извади“ најдобрата верзија од вас во 2026.

2025 година

Љубов

2025 година ќе биде година на трансформации, храбри одлуки и длабоки врски. Ѕвездите ве поттикнуваат да бидете искрени со себе и со партнерот, носејќи нова искра во постоечките односи и отворајќи врати за нови љубови. Ретроградните движење ќе ве натераат да се соочите со стари љубовни приказни и да го расчистите минатото, додека еклипсите ќе ве водат кон нови почетоци полни со страст и авантура. Со Венера и Сатурн, кои играат значајна улога оваа година, љубовниот живот ќе бара комбинација од посветеност и слобода, создавајќи цврста основа за врски кои се стабилни, но и возбудливи.

Почетокот на годината за овните ќе носи интензивна внатрешна рефлексија и ќе ги извади емотивните теми на површина. Поради ретроградниот Марс во рак, сè до 24 февруари ќе се чувствувате како да балансирате на тенка линија меѓу вашите лични потреби и очекувањата на најблиските. Ова движење на вашата планета-владетел ќе се фокусира на вашата 4-та куќа на домот и семејството, па оние што се во врска ќе мора да се соочат со стари прашања за живеалиштето, плановите за заедничка иднина или недоразбирања кои веќе подолго време тлеат. Овните кои се сингл ќе почувствуваат носталгија за минатото и личностите кои некогаш им значеле многу, но истовремено ќе сфатат дека треба да се ослободат од некои спомени за да направат простор за нови врски.

Кога Венера на 4 февруари ќе влезе во вашиот знак, сè ќе се промени. Ќе почувствувате како самодовербата ви се враќа со полна сила, а шармот ќе ви биде на максимум. Каде и да се појавите, ќе оставате силен впечаток, а можностите за нови познанства и љубовни искуства ќе се појавуваат од сите страни. Ова е идеален период да ризикувате, да ги изразите вашите чувства и да се препуштите на врски исполнети со возбуда. Доколку сте во врска, вашата страст ќе се разбуди со полна сила, а партнерот ќе го доживее тој ентузијазам како посакувана ренесанса во односите.

Со Нептун во Овен на 30 март, ќе бидете романтични како никогаш досега, но внимавајте да не дозволите идеализам да ве одведе на погрешен пат. Оваа енергија ќе ве поттикне да ја пронајдете љубовта што ја посакувате, но ќе треба да останете реални и свесни за вашите граници.

Со полната месечина на 12 април во вага, вашата 7-ма куќа на партнерствата, љубовните односи ќе достигнат критична точка. Ќе се најдете во ситуација да преиспитувате каде стоите во врската и дали вашите потреби се исполнети. Потребата за компромис ќе биде клучна, но нема да дозволите да се жртвувате повеќе отколку што е потребно. Ова е вистински момент за сериозни разговори со партнерот, но и за јасно дефинирање на границите. Овните со статус сингл може да привлечат личност која ќе ги предизвика да размислат за долгорочна врска, нешто што можеби не го планирале, а ќе биде вистинско изненадување.

На 29 март ќе настапи млада месечина во вашиот знак, а ќе има и делумно затемнување на Сонцето, што значи да очекувате пресврт во љубовниот живот. Ова ќе биде момент кога ќе ја имате целата моќ во ваши раце. Ќе се ослободите од старите несигурности и ќе ги „држите конците“ кога станува збор за љубовта. Ако сте во врска, или ќе ги преземете неопходните чекори за да ја претворите врската во нераскинлив сојуз или ќе ставите крај да започнете ново поглавје. Ако сте сингл, нема да се плашите од иницијативи – една случајна средба или познанство може да се претвори во филмска љубов што ќе ви го промени животот.

За време на полната месечина на 12 мај, емоциите ќе ви бидат супер интензивни, а потребата да ги продлабочите врските ќе биде огромна. Ќе чувствувате дека не можете да продолжите ако не ги расчистите сите скриени прашања што ви тежат на срцето. Можно е да откриете нешто ново за партнерот. За некои овни, ова ќе биде период кога ќе мора да одлучат дали врската вреди да се спаси или е подобро да се ослободат од неа.

Со Венера во рак од 31 јули, ќе почувствувате поголема поврзаност со партнерот и ќе бидете повеќе фокусирани на заедничкиот живот и домот. Оваа енергија во вашата 4-та куќа ќе ве поттикне да внесете хармонија во љубовниот живот преку мали гестови кои покажуваат грижа и внимание. Овните со статус сингл ќе сретнат личност која ќе ги фасцинира со емпатијата, топлината и посветеноста на фамилијата. Во периодот до од 31 јули до 25 август многу овни ќе стапат во брак, ќе прослават за свршувачка или ќе се израдуваат на вест за бременост.

Меркур ќе се движи ретроградно во лав од 18 јули до 11 август и може да предизвика љубовни недоразбирања и конфликти. Ќе ви биде потребно многу трпение за да не дозволите да настане траен белег во односите со саканиот. Внимавајте на своите зборови и избегнувајте импулсивни реакции кои можат да направат повеќе штета отколку корист. Овој период е идеален да ги преиспитате вашите приоритети и да се фокусирате на тоа како сакате да изгледа вашиот љубовен живот.

На 7 септември полната месечина во риби доаѓа заедно со целосно затемнување на Месечината, помагајќи ви да се ослободите од минатото и да ги исцелите старите емоционални рани. Оваа енергија ќе биде моќна и трансформативна, особено за оние кои носат товар од претходни врски. Еклипсата ќе ви помогне да прифатите дека некои љубовни приказни треба да останат зад вас за да продолжите кон поубава иднина.

Крајот на годината ќе донесе нова возбуда со Венера во стрелец од 30 ноември. Ќе ја активирате вашата 9-та куќа на авантурите и патувањата, внесувајќи динамика и нови искуства во љубовниот живот. Многу овни ќе ја „освежат“ љубовната искра преку патувања или заеднички проекти. Сингл сте? Крајот на 2025 година ќе ви донесе во животот некој кој ќе ви покаже дека адреналинот делува како афродизијак и со кој секоја помината минута е возбудлива.

Пари и кариера

2025 година ќе биде период на значајни промени и можности за овните во професионалниот свет.

Почетокот на годината веројатно ќе биде монотон поради ретроградниот Марс во рак. До 24 февруари можно е да се соочите со предизвици при донесувањето одлуки за нови проекти, па ќе биде потребно да ги преиспитате вашите стратегии и да избегнувате импулсивни потези.

Откако Јупитер ќе премине во директно движење во близнаци на 4 февруари, вашата 3-та куќа на комуникацијата ќе блесне во полн сјај. Ова ќе ви донесе можности за нови соработки, преговори и договори што ќе го подобрат вашиот професионален статус. Ќе имате шанса да се истакнете во пишување, говорење или работа со медиуми, па искористете го вашиот интелектуален потенцијал за брз напредок.

Делумното затемнување на Сонцето на 29 март ќе резултира со пресвртница во вашиот професионален живот, поттикнувајќи ве да преземете одговорност и иницијатива за сопствената кариера. Можно е да добиете понуда за лидерска позиција или да започнете проект кој ќе има долгорочен успех.

Марс во лав од 18 април до 17 јуни ќе ја раздвижи вашата петта куќа на креативноста и ризикот. Ова планетарно движење ќе ве поттикне да покажете смелост во бизнис преговорите, да промовирате нови проекти и да се издвоите од конкуренцијата.

Со Сатурн во вашиот знак од 24 мај, ќе се соочите со потребата за посериозен пристап кон вашите цели. Ќе чувствувате притисок да вложите повеќе труд и да бидете подисциплинирани, но наградите што ќе дојдат ќе покажат дека навистина вредело сето тоа. Ќе ги удрите темелите на цврста основа за иднината, и кога станува збор за професионални успеси и кога се работи за финансиска стабилност.

Од 9 јуни Јупитер, планетата на среќата и богатството, ќе „танцува“ во вашата 4-та куќа на домот и стабилноста. Ова може да донесе можности за заработка преку недвижности или семеен бизнис. Ќе почувствувате поголема сигурност во финансискиот аспект, особено ако внимателно ги планирате инвестициите и буџетот.

Со Марс во девица од 17 јуни, вашата продуктивност ќе биде на највисоко ниво. Оваа поставеност во вашата 6-та куќа на рутините ќе ве поттикне да бидете ефикасни и да си ги подобрите работните навики. Средината на годината е идеална за завршување на големи проекти или за започнување на нови кои бараат внимание на деталите.

Полната месечина во јарец на 10 јули ќе ги истакне резултатите од вашите напори во првата половина на 2025 година. Вашата 10-та куќа на кариерата ќе блесне, па очекувајте признанија или унапредување. Гордејте се со постигнатото!

Венера од 30 ноември ќе престојува во стрелец, вашата 9-та куќа на визиите и образованието. Ова може да ве инспирира да се посветите на нови обуки или патувања поврзани со вашата кариера. Ќе ја завршите годината со чувство на исполнетост и обновена мотивација за идни деловни подвизи.

Здравје

Почетокот на годината може да биде напорен поради ретроградното движење на вашата планета-владетел Марс во рак до 24 февруари, кое ќе влијае на вашата енергија и ќе го нагласи стресот поврзан со семејството. Ова ќе биде време кога ќе треба да се грижите за дигестивниот систем и да избегнувате обилни оброци.

Со Нептун во овен од 30 март ќе мора да научите да ги разликувате реалните здравствени предизвици од претераната загриженост.

Марс ќе престојува во лав од 18 април до 17 јуни и ќе ви донесе нова енергија во телото и расположението. Петтата куќа симболизира радост и креативност, па во овој период, физичките активности како танц, спорт или рекреативни игри ќе ви помогнат да ја зголемите виталноста и да го разведрите расположението.

Откако Сатурн ќе влезе во овен на 25 мај, ќе ви се засили дисциплинираноста, без разлика дали тоа значи редовно вежбање, подобра исхрана или воведување на навики кои ја намалуваат анксиозноста.

Јупитер ќе престојува во близнаци до 9 јуни и ќе ве поттикне да се движите повеќе и да истражувате нови активности. Ќе чувствувате силна желба за акција, па ова е време да започнете со некој спорт или активности на отворено кои ќе ви помогнат да си го избистрите умот.

Со Венера во рак од 31 јули, ќе почувствувате потреба за емоционална стабилност и релаксација. Посветено ќе се грижите за вашиот ментален мир. Насочете се кон медитација, јога или техники за намалување на стресот.

Полната месечина во риби на 7 септември доаѓа со целосно затемнување на Месечината. Оваа еклипса ќе ве поттикне да обрнете внимание на сонот и менталното здравје. Ќе се потсетите дека квалитетниот одмор е неопходен за продуктивност и благосостојба.

Кон крајот на годината, со Меркур ретрограден од 9 ноември, ќе биде важно да не ги занемарувате превентивните прегледи. Овој период ќе ве потсети дека здравјето бара постојана грижа и внимание.

2025 година ќе биде година на освестување и подобрување на сите аспекти од вашето здравје, подготвувајќи ве за поенергична и хармонична иднина.