Овен

Сабота, 21 февруари 2026

Денешниот ден ќе ви ја донесе посакуваната слобода, а вие точно ќе знаете како да ја искористите. Одете на кафе со друштво кое ви ги полни батериите или поминете време со личност која ве мотивира да размислувате на поинаков начин. Можно е некој разговор да ви даде идеја која ќе ја развивате во следниот период.

Вечерва земјата ќе гори под вашите нозе. Дотерајте се и излезете, никој нема да ви одолее.

Февруари, 2026

Љубов

Додека јануари ве подготвуваше стратешки, февруари е тука за да ве научи како да танцувате низ промените со стил и самодоверба. Започнува месец на космички пресврти при кои вашата вродена желба за стабилност ќе се судри со незгаслива потреба за слобода. А верувајте, резултатот ќе биде спектакуларен.

Месецот започнува еуфорично. На 1 февруари Полната Месечина во Лав го осветлува вашиот сектор на забавата и романтиката. Ова е ноќ на апсолутен гламур, па ако сте сингл, вашата харизма ќе достигне супериорно ниво и доволно е само да се појавите некаде за да ги свртите сите глави кон вас. Очекувајте флерт кој започнува со дрзок комплимент и завршува со наелектризирано ветување за нешто многу повеќе.

За Овните во врска, почетокот на месецот носи театрална романса. Не останувајте дома. Излезете на вечера и дозволете му на партнерот повторно да се вљуби во вашиот огнен дух. Ова е идеален момент за големи гестови кои го раздрмуваат секојдневието и внесуваат нова доза возбуда во спалната соба.

Кога на 10 февруари Венера влегува во Риби, вашата страст добива мистична и речиси нереална нота. Љубовната игра станува подлабока, а вашите сетила се изострени за суптилните сигнали на заведување. Ќе уживате во еротски експерименти кои вклучуваат интуиција и спојување на душите.

Најважниот датум за вас е 14 февруари, кога Сатурн официјално се сели во вашиот знак. Овој Свети Валентин не е за површно флертување. Сатурн бара конкретна акција и посветеност. Ако сте сингл, може да запознаете некој со силен карактер кој ќе ве предизвика на највозбудлив можен начин. Ова е ноќ за „all-in“ потези во љубовта.

На 17 февруари Младата Месечина во Водолија доаѓа со прстенеста соларна еклипса и ви носи ненадејни пресврти во друштвениот круг. Можеби некој пријател одеднаш ќе ви признае нешто што долго го чувал во себе, или пак вие ќе откриете дека љубовта се крие токму таму каде што најмалку сте очекувале. Флертот преку социјалните мрежи ќе биде духовит и полн со изненадувања.

Прстојот на Сонцето во Риби од 18 февруари ве носи во фаза на „романса далеку од очите на светот“. Со партнерот ќе сакате да се повлечете во вашата приватна оаза и да уживате во романтични ноќи без дистракции. Искористете ја оваа енергија за длабока интимност и за зацврстување на врската преку искреност и нежност која ги топи сите бариери.

Сингл Овни, не се плашете да бидете малку поразлични овој февруари. Вашата уникатност е вашиот најголем афродизијак. Со преминувањето на Меркур во ретроградно движење на 26 февруари, некој од минатото може да се појави со порака која ќе ви ги разбранува емоциите. Ваша одлука е дали ќе му дадете втора шанса.

Пари и кариера

Подготвени сте за стратешка доминација и финансиски раст? Февруари започнува со победничка енергија додека Уран на 4 февруари конечно преминува во директно движење во вашето поле на парите. Секој финансиски застој кој сте го имале досега сега исчезнува, па очекувајте ненадејни приливи на пари или нови идеи за заработка кои се тотално „надвор од кутијата“. Ова е период во кој треба да го искористите вашето визионерство за да ја подобрите ситуацијата на банкарската сметка.

На 6 февруари Меркур влегува во Риби, што значи дека вашата деловна интуиција станува вашето најсилно оружје. Ќе ги читате намерите на соработниците уште пред тие да прозборат, а тоа ви дава огромна предност во преговорите. Иако вашата комуникација може да изгледа помалку директна, таа ќе биде исклучително влијателна ако се потпрете на вашиот внатрешен глас.

Преминот на Сатурн во вашиот знак на 14 февруари означува почеток на голема професионална зрелост. Веќе не ве интересираат краткорочни победи. Подготвени сте да изградите име и силна репутација која трае. Претпоставените ќе го забележат вашиот сериозен пристап и подготвеноста да преземете лидерска одговорност, а тоа може да резултира со долгоочекувано признание или унапредување.

Со Младата Месечина и соларната еклипса на 17 февруари, очекувајте револуција во вашиот тим или социјалното опкружување на работа. Ова е идеален момент за вмрежување и за влез во проекти кои користат модерна технологија. Вашите идеи ќе бидат прифатени со воодушевување.

Внимавајте на 26 февруари кога Меркур станува ретрограден. Пред крајот на месецот, проверете ги сите договори двапати и не брзајте со финални потписи. Искористете ја оваа енергија за да ги прегледате деловните планови и да ги исправите евентуалните грешки. Вашиот пат кон врвот е сигурен, само доколку му дозволите на Сатурн да ве води со неговата челична дисциплина.

Здравје

Полната Месечина на 1 февруари ви носи наплив на физичка енергија која мора да ја канализирате низ движење. Бидете активни, спортувајте, но не заборавајте дека вашето срце е центарот на сè, па дајте му доволно кардио тренинг и радост. Искористете го почетокот на месецот за да ги воспоставите своите нови фитнес цели.

Со Сатурн кој влегува во Овен на 14 февруари, ќе почувствувате потреба за поголема дисциплина во секојдневието. Ова е совршено време за воведување на ред во спиењето и исхраната, бидејќи вашето тело сега бара структура за да стане помоќно од кога било. Грижете се за коските и забите, бидејќи Сатурн ги нагласува токму тие делови на телото додека транзитира низ вашиот знак.

Кон крајот на месецот, кога Меркур ќе премине во ретроградно движење во Риби на 26 февруари, одвојте време за дигитален детокс и ментален мир. Вашата потсвест ќе биде многу активна, па медитацијата или долгите прошетки во природа ќе бидат вашиот најдобар лек за зачувување на рамнотежата.

2026 година

Љубов

Подгответе се Овни, бидејќи во 2026 година се создава космичка сцена за љубовен огномет каков што досега не сте доживеале. Ова е година на историски планетарни збиднувања во вашиот знак кои ќе ја разгорат искрата на страста до невидени височини, претворајќи го вашето срце во магнет за судбински средби и еуфорични романтични пресврти.

Годината започнува под силното влијание на Северниот јазол, кој сè до 26 јули ве принудува да се ставите себеси на прво место. Ако сте во врска, во јануари ќе почувствувате дека повеќе не можете да правите компромиси кои ве гушат, што ќе доведе до искрени разговори за вашата индивидуалност. За сингл Овните, овој период е за градење на самодоверба, па ќе привлекувате партнери кои се восхитуваат на вашата независност, а не на вашата подготвеност да се прилагодите.

На 26 јануари Нептун влегува во вашиот знак, што е историски момент кој додава доза на магија и мистичност. Овој транзит ја омекнува вашата „острина“ и ве прави емотивно подостапни, а тоа кај зафатените Овни ќе резултира со подлабока емпатија кон партнерот. Ако сте сингл, Нептун носи незаборавни средби на кои хемијата е толку силна што ќе ви изгледа како да го познавате соговорникот од минат живот.

На 14 февруари, токму на Денот на вљубените, Сатурн влегува во Овен, што внесува енергија на сериозност и одговорност во вашиот љубовен живот. Ако вашата врска била „недефинирана“, Сатурн ќе ве натера да побарате јасна структура, т.е. или сте заедно со план за иднината, или е време за разделба. Сингл Овните на овој датум може да ја почувствуваат тежината на осаменоста, но тоа е само поттик да престанат да се задоволуваат со површни средби и да почнат да бараат личност со потенцијал да им биде доживотен партнер.

Во почетокот на март, поточно на 3 март, целосното затемнување на Месечината во вашата 6-та куќа ги става на тест вашите секојдневни навики како пар. Шестата куќа владее со служењето, па ако едниот партнер чувствува дека прави сè, а другиот ништо, можни се тензии кои бараат нов договор за споделување на обврските. За Овните кои се сами, ова е период кога љубовната хемија може да се роди во најобични ситуации – во супермаркет или во чекална, каде што мал гест на љубезност ќе прерасне во нешто повеќе.

Најромантичниот личен транзит се случува на 6 март, кога Венера влегува во вашиот знак и ќе остане таму до 30 март. Ова е периодот кога ќе се чувствувате најубаво и најпосакувано, бидејќи Венера носи леснотија во изразувањето на емоциите и ви помага да го добиете она што го сакате. Ако планирате да го кажете она судбоносно „те сакам“ или да привлечете нова личност, деновите околу крајот на март и почетокот на април се вашиот „златен термин“.

Како што навлегуваме во пролетта, влијанието на Уран во Близнаци од 26 април носи динамика во комуникацијата со саканите. Ако сте во врска, ќе уживате во долги разговори и кратки патувања кои ќе ја одржат искрата жива. Сингл Овните во мај и јуни ќе бидат исклучително шармантни во пишаната комуникација, па флертувањето преку пораки и социјални мрежи ќе биде главното поле каде што ќе се развиваат нови симпатии.

Големата пресвртница доаѓа на 30 јуни, кога Јупитер влегува во Лав, вашиот сектор на вистинската љубов, романтиката и децата. Ова е најсреќниот транзит за вашиот емотивен живот во последните 12 години, носејќи експанзија и огромна радост. Овните во стабилни врски во втората половина од летото ќе одлучуваат за проширување на семејството или прават планови за спектакуларна свршувачка која ќе се памети долго. Не сте во врска? Ќе доживеете флерт игри кои ќе ги паметите доживотно, а љубовните авантури ќе достигнат „следно ниво“.

На 7 јули Нептун започнува ретроградно движење во вашиот знак кое трае до 12 декември, носејќи период на деидеализација. Ако сте биле заслепени од „розовите очила“ на почетокот на годината, сега ќе почнете да го гледате партнерот со сите негови маани, што е клучно за градење на вистинска, а не фантазирана врска. За сингл Овните, ова е време за внатрешна работа и лекување на старите љубовни рани кои можеби ве спречувале да се отворите целосно кон нова личност.

Ако сте сингл, периодот од јули до 13 декември е врвот на вашата привлечност, благодарение на Јупитер во 5-та куќа. Ова е време на гламурозни излегувања каде што со леснотија ќе привлекувате внимание, а љубовната хемија ќе биде присутна на секој чекор. Немојте да се изненадите ако запознаете некој кој е многу поразличен од вашите претходни партнери, затоа што Јупитер сака да го прошири вашиот хоризонт и да ве научи дека љубовта е авантура.

На 6 август Венера влегува во Вага, ставајќи го фокусот директно на партнерството. Ова е најдоброто време за хармонија, па ако имало кавги, Венера ќе ги смири страстите. Овните кои се во врска во овој период ќе се чувствуваат најмногу поврзани со партнерот, додека сингл Овните може да запознаат некој кој е нивно совршено огледало и кој носи рамнотежа во нивниот динамичен живот.

Емотивната длабочина се зголемува на 28 август со Полна Месечина во Риби и парцијално затемнување на Месечината. Ова е куќа на потсвеста, па кај зафатените Овни може да испливаат некои скриени сомнежи или желби. Искрениот разговор со партнерот во овој период ќе делува како исцелување. Ако не сте во врска, можеби ќе почувствувате носталгија за поранешна љубов, но тоа е само процес на финално емотивно ослободување.

Есента носи предизвик со Венера ретроградна во Скорпија од 3 октомври. Ова е куќа на длабока интимност и заеднички финансии, што значи старите прашања за довербата може повторно да се појават. За паровите е важно да не се сомничави без причина, додека за сингл Овните е совет да не влегуваат во комплицирани афери со зафатени луѓе или луѓе од минатото додека трае ретроградниот циклус до 14 ноември.

На 25 октомври, ретроградната Венера се враќа во Вага (7-та куќа), што кај зафатените Овни бара преиспитување на правилата во бракот или долгата врска. Можеби ќе сфатите дека треба да промените нешто во начинот на кој се договарате со партнерот. До 14 ноември, кога Венера станува директна во Вага, многу работи ќе се расчистат и врските што ќе го преживеат овој период, ќе бидат нераскинливи.

Ноември носи нова енергија со Младата Месечина во Скорпија на 9 ноември. Ова е момент на целосна емотивна регенерација. За паровите, ова може да значи одлука за поголема финансиска зависност еден од друг или купување на заеднички имот. Хемијата во спалната соба ќе биде интензивна, а довербата ќе се гради низ длабока ранливост и споделување на најинтимните тајни.

На почетокот на декември, поточно на 4 декември, Венера повторно влегува во Скорпија, но овојпат со директно движење, па носи олеснување и страст без компликации. Ова е време кога конечно ќе уживате во плодовите на вашата емотивна работа. Ако сте сингл, може да се појави некој кој е многу привлечен и мистериозен, а врската ќе започне со неверојатна магнетна привлечност.

Средината на декември носи сериозност со Сатурн кој станува директен во Овен на 10 декември и Нептун директен во Овен на 12 декември. По месеци ретроградно движење, конечно ќе знаете точно што сакате од себе и од партнерот. Ова е периодот кога се носат финални одлуки за заедничка иднина, а сонот и реалноста конечно се спојуваат во една прекрасна слика.

За самиот крај на годината, на 24 декември, Полната Месечина во Рак го насочува вниманието кон домот и семејството. Тоа е многу емотивен момент и совршен за дочек на празниците во топлината на домот со саканите. Можеби ќе почувствувате потреба да се повлечете од јавноста и да уживате во интимноста на својот приватен свет, славејќи ја љубовта која сте ја изградиле. Некои овни ќе размислуваат за брак, други ќе добијат свршенички прстен, а трети ќе разговараат за бебе. 

2025 година ја завршувате со Јупитер ретрограден во Лав на 13 декември, па ќе размислувате за сите љубовни лекции од изминатите месеци.

Пари и кариера

2026 започнува со Меркур во Јарец на 1 јануари, а тоа веднаш ве става во режим на работа. Десеттата куќа е куќа на кариерата и јавниот углед, па уште во првата недела од годината ќе правите планови за напредок. На 18 јануари, Младата Месечина во Јарец носи можност за нова работна позиција или проект кој ќе ви донесе углед. Ова е идеален ден за аплицирање за нова работа или за разговор со претпоставените за вашите амбиции.

На 14 февруари, Сатурн влегува во Овен, што е најважниот професионален транзит. Сатурн ќе ве натера да преземете одговорност како лидер. Ќе изгледате посериозно и поавторитетно, а тпа ќе ги натера другите да ве почитуваат. Ова е година кога вашиот личен труд ќе биде во фокусот. Колку повеќе дисциплина вложите, толку поголеми бонуси и унапредувања ќе добиете до крајот на годината.

Полната Месечина во Девица на 3 март доаѓа со целосно затемнување на Месечината и носи резултати во вашиот секојдневен работен сектор. Ова е момент кога ќе завршите голем проект кој бара посветеност на детали. Можно е да добиете пофалби за вашата ефикасност или нов асистент кој ќе ви ги олесни обврските. Месечината ви помага да ги подредите приоритетите и да престанете да трошите енергија на неважни задачи.

Финансиите се во фокусот на 30 март кога Венера влегува во втората куќа, која владее со парите што самите ги заработувате. Овој транзит носи леснотија во привлекувањето на парични приливи. Можеби ќе добиете неочекуван бонус или покачување на платата. На 16 мај, со Младата Месечина во Бик доаѓа совршен момент за отворање на нова штедна книшка или започнување инвестиција која ќе ви носи стабилност на долг рок.

Пролетта носи „експлозија“ на нови идеи со влегувањето на Уран во Близнаци на 26 април. Оваа куќа владее со комуникацијата и вештините, а присуството на Уран во неа значи дека парите може да почнат да доаѓаат преку технологија, пишување или трговија. Вашата способност брзо да размислувате ќе биде вашата најголема вредност. Ако се занимавате со маркетинг или продажба, ова е период на генијални идеи кои ќе ги воодушеват клиентите.

Летото носи голема среќа со Јупитер во Лав (5-та куќа) од 30 јуни. Петтата куќа е куќа на креативноста и претприемништвото, па ова е најдоброто време за оние Овни кои имаат сопствен бизнис или сакаат да започнат нешто свое. Проектите започнати во јули и август имаат огромен потенцијал за раст. Парите во овој период ќе доаѓаат низ проекти во кои вистински уживате, а не само низ сува работа.

На 26 јули, Сатурн преминува во ретроградно движење во вашиот знак и ве советува да бидете внимателни со брзите професионални одлуки. Периодот до декември е период за ревизија, па проверете каде трошите премногу енергија без резултат. Ова не е време за агресивна експанзија, туку за зацврстување на она што веќе сте го постигнале. Финансиската дисциплина во овој период ќе биде клучна за вашиот мир во текот на есента.

На 11 септември, Младата Месечина во Девица носи нови работни обврски кои ќе бараат голема прецизност. Ако барате нова работа, ова е вашиот најдобар термин за интервјуа и нови вработувања. Септември ќе биде многу зафатен месец, но трудот што ќе го вложите сега ќе биде основа за големиот прилив на пари кој доаѓа во октомври и ноември.

Октомври носи интензивни финансиски преговори со Венера ретроградна во Скорпија од 3 октомври. Оваа куќа владее со туѓите пари, кредити и наследства. Можеби ќе треба да преговарате за долгови или да чекате на некоја исплата која доцни. Внимавајте при потпишување на банкарски документи во овој период и не влегувајте во ризични инвестиции додека Венера не тргне директно на 14 ноември.

Ноември е месец на правни и административни успеси. На 22 ноември Сонцето влегува во вашата куќа на патувањата и високото образование. Доколку вашата работа вклучува меѓународни пазари или бара напредна обука, ова е периодот кога ќе блеснете. На 24 ноември, Полната Месечина во Близнаци носи важни вести или завршување на преговори кои ќе ви ја отворат вратата кон поголема пазарна позиција.

Декември носи стабилност со Сатурн кој тргнува директно во Овен на 10 декември. Сите одложувања од летото исчезнуваат. Вашиот авторитет е сега бетонски цврст. Ова е време на заслужени признанија и официјални титули. Во кариерата влегувате во режим на „берба“ на сè што сте сееле во текот на годината, со јасен план за 2027 година.

На 21 декември, Сонцето влегува во Јарец (10-та куќа), ставајќи ја вашата кариера во центарот на вниманието за крајот на годината. Очекувајте го врвот на моќта. Ќе бидете забележани од најважните луѓе во вашата сфера. На 25 декември, Меркур во Јарец ќе ви помогне да ги направите финалните пресметки и да ги потпишете договорите кои ќе ви ја осигураат финансиската безбедност за наредната година.

Годината ја завршувате со Полна Месечина во Рак, која ве потсетува дека парите и кариерата имаат смисла само ако ви овозможат сигурен дом и среќно семејство. 2026 година за вас завршува како година во која сте пораснале од амбициозен работник во мудар лидер.

Здравје

Почетокот на 2026 година е обележан со два историски транзити во вашиот знак: на 26 јануари Нептун влегува во Овен, а Сатурн ги следи неговите стапки на 14 февруари. Оваа комбинација бара од вас баланс помеѓу духовното и физичкото. Имено, додека Нептун ве прави емотивно почувствителни и подложни на замор, Сатурн бара строга дисциплина, грижа за коските, забите и кожата. Ова е периодот кога мора да поставите цврсти граници и да престанете да го исцрпувате телото за туѓи потреби.

Најкритичниот момент за медицински прегледи и реорганизација на навиките доаѓа на 3 март со Помрачувањето на Месечината во Девица (6-та куќа). Оваа позиција директно влијае на вашиот дигестивен систем и секојдневната рутина, па може да укаже на потреба од специфична диета или детоксикација. Ова е идеален термин да ги смените лошите навики со здрави ритуали кои ќе ви ја вратат виталноста пред динамичната пролет.

Пролетта носи огромен наплив на енергија со влезот на вашиот владетел Марс во Овен на 9 април, проследен со Младата Месечина во вашиот знак на 17 април. Ќе се чувствувате непобедливо, но со Сатурн во истата куќа, ризикот од повреди поради брзање е нагласен. Овој период е совршен за започнување на интензивен тренинг за сила, но со фокус на правилна техника и заштита на главата и лицето како ваши слаби точки.

Летниот и есенскиот период носат предизвици за нервниот систем поради Уран во Близнаци од 26 април и ретроградниот Сатурн во Овен од 26 јули. Може да се соочите со ментален замор и пад на имунитетот ако не научите да забавите. На 11 септември, Младата Месечина во Девица нуди втора шанса за воспоставување на ред во здравјето, односно тогаш е вистинскиот момент за воведување суплементи и смирување на анксиозноста преку медитација или престој во природа.

Годината завршува со стабилизација, бидејќи Сатурн и Нептун преминуваат во директно движење во вашиот знак во декември (10-ти и 12-ти), а тоа ви носи ментална бистрина и физичко закрепнување.