Бик

Петок, 26 декември 2025

Не се полудувајте себеси обидувајќи се да постигнете цели кои не се реални. Денешниот ден треба да го поминете колку што е можно порелаксирано, па дури и ако тоа значи да ѝ се препуштите на празничната еуфорија. Па што ако еднаш не ги завршите сите задачи?

Нема да имате голема енергија вечерва. Дури и да излезете, ќе сакате да си одите дома порано за да се одморите.

Декември, 2025

Љубов

Декември не ви нуди површна романтика, туку трансформација, рушење на стари блокади и повторно раѓање на силни љубовни желби. Последниот месец од 2025 година ви ги буди крвта, срцето, амбициите... сè во вас се вжештува. Спремете се за возбуда и нови почетоци.

До 21 декември Сонцето во вашата 8-ма куќа внесува силна сексуална хемија, па ги активира длабоките страсти и фантазии, но и отвора врати што подолго сте ги чувале затворени. Во врска сте? Може да се роди нова искра и да почувствувате силно привлекување меѓу вас и партнерот, како повторно да се откривате еден со друг. Биковите кои не се во врска имаат огромна шанса да запознаат личност која веднаш ќе им го забрза пулсот. Замислете си прва средба што ќе ве остави без здив и некој што ве гледа со поглед што кажува „сакам да те запознам подлабоко“.

Полната месечина во Близнаци на 5 декември ја осветлува 2-рата куќа и ви носи вистински љубовни пресврти. Многу Бикови ќе добијат порака што долго ја чекале, ќе иницираат искрен разговор или ќе слушнат комплимент кој им го стоплува срцето. Можно е партнерот да каже „Те сакам“ првпат, или вие конечно да признаете што чувствувате. Кај слободните Бикови, ова е ден на флерт кој прераснува во прв бакнеж.

Од 10 декември, кога Нептун повторно се движи директно во вашата 11-та куќа, љубовните илузии се расчистуваат и на нивно место доаѓаат реални можности. Пријател кој одамна има симпатии кон вас може конечно да направи чекор. Ако сте во врска, може да паднат маските и партнерот да ви открие нежност или ранливост што никогаш не сте ја виделе. Тоа ќе создаде интимност што зближува на најдлабоко ниво.

Периодот по 11 декември, односно откако Меркур ќе премине во вашата 8-ма куќа, е совршен за разговори што одат далеку под површината. Може да разговарате со саканиот за заедничка иднина, за зацврстување на врската или за желбите што обајцата ги носите во себе, вклучувајќи и оние во спалната соба. Ова е време кога комуникацијата создава еротска тензија изразена преку интензивни погледи, тивки моменти, допири што растреперуваат...

Од 15 декември Марс во вашата 9-та куќа носи авантура и смелост во љубовта. Може да тргнете на кратко патување што ќе ви го распламти односот, да се изгубите со партнерот во хотелска соба далеку од секојдневието или да откриете некоја нова страна од себе. Слободните Бикови може да запознаат атрактивна личност од друга земја или град која ќе ги освои тотално.

Младата месечина во Стрелец на 20 декември во 8-мата куќа создава вистински нов почеток. Ова е ден кога страста кулминира, па се раѓаат нови врски преку интензивни разговори, преплетени раце и хемија што не може да се контролира. Во врските на биковите доаѓа до силно интимно зближување и можност за нова искра, нови фантазии, ново разгорување на температурата во спалната.

Од 21 декември Сонцето влегува во вашата 9-та куќа, а љубовта добива димензија на раст, мудрост и огромен оптимизам. Партнерот може да предложи заедничко патување или да ви приреди изненадување што ќе ви ја разубави годината. Ако сте слободни, ќе  привлекувате личност која ве гледа со восхит и ве инспирира да бидете подобри.

А кога Венера ќе влезе во Јарец на 24 декември, сè станува уште поубаво. Крајот на 2025 година е период на подароци од срце, романтични изненадувања, долги вечери со интимни разговори и можеби дури и први признавања на силни чувства. За слободните Бикови, празничните денови носат шанса за незаборавна љубовна ноќ.

Пари и кариера

Декември ви носи чувство дека конечно сте на вистинската страна од арената. Сонцето кое се движи низ вашата 8-ма куќа до 21 декември создава можност за раст преку партнерства, бонуси, договори и поддршка од луѓе што веруваат во вас. Всушност, месецов доаѓа со конкретни резултати, а не со празни ветувања.

Полната месечина на 5 декември ја раздвижува вашата 2-ра куќа на личната заработка и ви носи јасни исходи од трудот што сте го вложиле во последните шест месеци. Можно е да добиете подобра понуда, зголемена плата или парична награда која конечно ќе го оправда вашето залагање. Некои Бикови ќе добијат информација за повисока позиција или унапредување што започнува да се подготвува зад кулисите.

На 10 декември Нептун продолжува со директно движење низ вашата 11-та куќа, расчистувајќи магла околу тимски проекти и колективни обврски. Ова е момент кога ќе се покаже кој е вистински сојузник, кој има добри намери, а кој е пречка.

Меркур влегува во Стрелец на 11 декември и носи разговори за договори, распределба на средства, нови задачи, подобри услови или нов проект кој ќе донесе стабилен тек на средствата. Овој транзит ве поддржува да преговарате храбро и да добиете повеќе отколку што сте очекувале.

Кога Марс започнува да се движи низ Јарец на 15 декември, вашата 9-та куќа станува сцена на амбиција што не познава граници. Можно е да добиете понуда за работа што ве носи повисоко, проекти со странски клиенти, патувања поврзани со кариера или идеја да започнете обука која ќе ви ги отвори вратите во 2026 година. Одеднаш ќе почувствувате дека растете, дека напредувате, дека имате повеќе од тоа што некогаш сте мислеле дека заслужувате.

Младата месечина во Стрелец на 20 декември во вашата 8-ма куќа носи нов договор, нов клиент, нова шанса, нов заеднички проект или нов прилив на пари. Некои Бикови ќе добијат позитивен исход од институција, банка или партнер кој решава да вложи во нив.

На 21 декември Сонцето влегува во Јарец и го осветлува вашиот 9-ти сектор, внесувајќи нова визија во кариерата. Мислите ви се поамбициозни, целите повисоки, а вашиот професионален авторитет почнува да расте. Можно е да се јави идеја за преселба, усовршување или сопствен бизнис.

На 24 декември Венера го следи истиот пат и внесува хармонија во професионалните односи. Луѓето ве гледаат со почит и доверба, а вашиот имиџ станува најсилниот адут. Можно е да добиете убаво признание, неочекуван бонус или деловна понуда која изгледа како празничен подарок.

Здравје

Декември ви носи длабока, вистинска регенерација. Сонцето во вашата 8-ма куќа до 21 декември ве насочува кон нега што навистина допира таму каде што најмногу ви треба, т.е. во нервниот систем, во емоциите и во деловите од телото што реагираат на стрес. Овој период е идеален за терапија, дополнителна самогрижа и ритуали што имаат духовен и физички ефект.

Полната месечина во Близнаци на 5 декември ја осветлува вашата 2-ра куќа и ве потсетува да го негувате телото со дисциплина. Можеби ќе почувствувате потреба за промена на исхраната, за регулирање на шеќерот, за стабилизирање на апетитот или за полесно функционирањето. Во овој период лесно ќе ги елиминирате навиките што ве изморуваат.

Кога Нептун преминува во директно движење на 10 декември во вашата 11-та куќа, менталниот притисок почнува да се намалува. Последните месеци носеа премногу грижи за обврски и луѓе, но сега сè станува полесно. Ова е совршен момент да се повлечете од хаосот и да изберете што ви годи, а што не.

Влегувањето на Меркур во вашата 8-ма куќа на 11 декември ве поттикнува да слушате што ви кажува телото. Ако ви сигнализира за пауза, слушајте го. Овој период е поволен за превентивни или контролни прегледи, анализа на здравствени навики и донесување конкретни одлуки за промени.

На 24 декември Венера носи смиреност во вашето тело. Спиењето станува подобро, нервниот систем се смирува, а кожата реагира на нега поубаво од обично. Крајот на годината е прекрасен период за масажи, термални бањи, ароматерапија и сите ритуали што го враќаат мирот.

2025 година

Љубов

Страст, интимност и важни одлуки ќе ви го одбележат љубовниот живот во 2025 година. Првата половина од годината ќе ве поттикне на интроспекција и расчистување со минатото, додека втората, ќе донесе нова енергија и можности за зацврстување на врските. Ќе се соочите со предизвици кои ќе бараат компромис, но и моменти на неочекувана радост и љубовни авантури. Без разлика дали сте во врска или слободни, ѕвездите ќе ве водат кон емоционална стабилност и љубов која носи длабоко приврзување и радост.

2025 година започнува со Венера во риби, активирајќи ја вашата 11-та куќа на пријателствата и заедничките цели. Ова влијание создава романтична магија, особено во кругот на пријателите. Ќе бидете инспирирани од луѓето околу вас, а некои познанства може да прераснат во љубовни авантури. Биковите кои се во врска ќе почувствуваат силна поддршка од партнерот во однос на нивните лични амбиции, а сингл биковите ќе се поврзат со луѓе со кои имаат исти животни вредности и соништа.

Кога Венера ќе влезе во овен на 4 февруари, ќе нурнете подлабоко во вашите емоции. Бидејќи ќе биде осветлена вашата 12-та куќа на скриените чувства, ќе размислувате за неисполнети желби и тајни љубовни приказни. Ова е време на интроспекција и личен раст, но истовремено може да донесе и неочекувани средби кои ќе разбудат „заборавени“ чувства.

Ретроградната Венера во овен од 2 до 27 март ќе ве врати кон минатото. Ќе се навраќате на љубовни врски што не завршиле пријателски или ќе размислувате за луѓе кои оставиле трага во вашето срце. Овој период е совршен за затворање на емоционалните рани и расчистување со она од кое повеќе немате корист. Внимавајте, затоа што ќе бидете склони да идеализирате.

Откако Нептун ќе премине во овен на 30 март, ќе се ослободите од илузиите за некои врски. Ова ќе биде време на лекување на старите љубовни рани и подготовка за љубов која е искрена, трајна и исполнета со разбирање.

Со полната месечина во шкорпија на 13 мај, љубовниот живот ќе ви цвета. Вашата 7-ма куќа на партнерствата ќе биде потенцирана, па ова е време кога важни разговори може да ги зацврстат врските, но и да ги разрешат тензиите. Ќе треба да дефинирате каде стоите во љубовта, а некои бикови ќе одлучат да направат следен чекор во врската – брак, свршувачка, вселување под ист покрив со саканиот, деца... Сингл сте? Ова е ден кога веројатноста да споите усни со ваш обожавател е огромна.

Од 9 јуни Јупитер во рак ќе донесе хармонија и емотивна сигурност во љубовниот живот. Вашата 3-та куќа на комуникацијата ќе биде нагласена, што значи дека ќе уживате во длабоки разговори со партнерот. Ќе откриете нови страни на вашиот однос и ќе почувствувате дека емоционалната поврзаност е посилна од кога било.

Од 17 јуни до 7 август Марс ќе се движи низ девица, вашата куќа на флертувањето и креативноста. Ќе бидете полни со страст и желба да направите романтична ренесанса. За оние што се во врска, ова ќе биде одличен период за романтични гестови и заеднички активности кои ќе им ја зацврстат врската со партнерот. Слободните бикови ќе привлечат нови лица благодарение на нивниот зголемен шарм и самодоверба.

На 21 септември ќе настапи млада месечина во девица, а воедно ќе има и делумно затемнување на Сонцето што ќе внесе нова динамика во вашиот љубовен живот. Оваа еклипса ќе ја активира вашата 5-та куќа на романтиката, изненадувајќи ве со нови авантури и љубовни искуства. Биковите кои се во врска ќе ја оживеат страста, а слободните бикови ќе се впуштат во врски кои ќе бидат исполнети со возбуда и флерт игри без крај.

Полната месечина во вашиот знак на 5 ноември ќе ви донесе чувство на исполнетост и стабилност во љубовниот живот. Ќе го цените она што сте го изградиле со партнерот и ќе почувствувате благодарност. Сингл сте? Ова е време за негување на самопочитта и за јасна визија за тоа каква љубов посакувате. Некои бикови ќе крунисаат долг флерт со страсни бакнежи, други ќе ѝ дозволат да ги води сексуалната хемија, трети ќе наздрават за свршувачка.

На 30 ноември Венера ќе влезе во стрелец, носејќи интензивни чувства и страст во вашиот љубовен живот. Последниот месец од 2025 година е идеален за продлабочување на интимноста и за ослободување од сомнежите. Љубовта ќе стане ваш приоритет. Сингл биковите ќе почувствуваат привлечност кон личност која е обвиена во мистерија.

Пари и кариера

2025 година ќе ви биде година на финансиска стабилност и професионален раст. Планетите ќе ве поттикнат да донесувате мудри одлуки и да ги максимизирате можностите за заработка. Преку промислени потези и стабилна работа, ќе создадете основа за долгорочен успех.

Годината започнува со ретрограден Марс во рак, што ќе ја активира вашата 3-та куќа на комуникацијата и кратките патувања. Ова е период кога треба да ги преиспитате вашите професионални стратегии и да се фокусирате на завршување на старите проекти. Бидете внимателни при комуникацијата со колегите и клиентите, бидејќи недоразбирањата може да доведат до пробивање на рокови.

На 4 февруари, Јупитер ќе премине во директно движење во близнаци, активирајќи ја вашата 2-ра куќа на парите и личните ресурси. Тогаш започнува клучен период за зголемување на приходите. Ќе имате можност да креирате нови извори на заработка, особено преку проекти што вклучуваат трговија, продажба или комуникациски вештини. Искористете ја енергијата на Јупитер за инвестирање во вашите таленти и способности.

До 24 мај, Сатурн ќе влијае врз вашата 11-та куќа на долгорочните цели и тимската работа. Ќе ја зајакнете вашата професионална мрежа и ќе соработувате со луѓе кои споделуваат слични вредности. Првите пет месеци од годината се идеални за поставување на амбициозни цели.

Делумното затемнување на Сонцето на 29 март ќе ја активира вашата 12-та куќа на скриените проекти и подготовки. Оваа еклипса ќе ве поттикне да го преиспитате начинот на кој се справувате со финансиските предизвици. Ќе имате прилика да започнете нов професионален циклус кој ќе донесе долгорочна стабилност, но прво ќе треба да ги завршите постоечките обврски.

На 9 јуни Јупитер влегува во рак, активирајќи ја вашата 3-та куќа на комуникацијата и локалните проекти. Ќе го проширите вашето влијание преку нови соработки, курсеви или патувања. Ова е време кога вашиот интелектуален напор ќе ви донесе финансиски бенефиции, особено ако вложите во едукација или технологија.

Марс на 17 јуни ќе ја осветли вашата 5-та куќа на креативноста, носејќи инспирација и енергија за започнување на нови проекти. Ова е одлично време за ризични потези што можат да донесат големи награди. Креативноста ќе ви биде најголема предност, па фокусирајте се на проекти што ја истакнуваат вашата индивидуалност.

Соларната еклипса на 21 септември ќе го активира вашиот сектор на креативноста и самостојните проекти. Ова е ден за преземање иницијативи кои ќе донесат голема заработка. Бидете подготвени за неочекувани можности што ќе ви овозможат значително да си ја подобрите состојбата на банкарската сметка.

На 8 ноември Уран со ретроградно движење ќе влезе во вашиот знак и ќе ја активира вашата 1-ва куќа на личниот идентитет, носејќи изненадувања и промени во вашиот пристап кон заработувањето. Ќе воведете иновации во начинот на кој ги управувате вашите финансии. Вашата флексибилност и подготвеност за промени ќе бидат клучни за успех.

Последниот месец од 2025 година ќе помине со Венера во стрелец, односно активирање на вашата 8-ма куќа на заедничките финансии и инвестиции. Ова ќе биде одличен период за инвестирање, особено во долгорочни проекти. Ќе имате можност да ги консолидирате вашите финансии и да создадете стабилност за иднината.

2025-та дефинитивно ќе биде година на можности за зголемување на приходите и градење на долгорочна финансиска сигурност. Вложете ја вашата енергија во проекти кои носат стабилност и раст и бидете подготвени за нови предизвици што ќе ве издигнат на повисоко професионално ниво.

Здравје

На почетокот на годината, под влијание на ретрограден Марс, потребно е повеќе да внимавате на вашата исхрана и дигестијата. Фокусирајте се на балансирана исхрана и редовна физичка активност.

Полната месечина на 14 март која доаѓа со лунарна еклипса ќе ве поттикне да се фокусирате на вашата 6-та куќа на здравјето и рутините. Воведете нови здрави навики и тие ќе останат во вашето секојдневие.

Со Сатурн во риби до 24 мај, ќе почувствувате потреба за постигнување на емоционален баланс и посилна грижа за менталното здравје. Медитацијата ќе биде клучна за намалување на стресот.

Марс во Девица од 17 јуни ќе внесе енергија за подобрување на вашите навики за вежбање. Ќе бидете мотивирани да се посветите на активности кои го зајакнуваат вашето тело и дух.

Со Венера во Рак од 31 јули, ќе бидете склони да се поврзете со природата и да пронаоѓате мир во вашето секојдневие. Ова е време за релаксација и уживање во мали задоволства.

На 5 ноември полната месечина во вашиот знак ќе ви ја подигне свеста за важноста на стабилноста и грижата за вашето физичко и емоционално здравје. Ќе ја завршите 2025 година со обновена сила и мотивација за одржување на здрав начин на живот.