Џенифер Лопез ужива во семејните моменти. 48-годишната пејачка се релаксираше на плажа со партнерот Алекс Родригез и нивните деца на Денот на независноста на САД.
Таа носеше костим за капење во циклама нијанса од брендот Solid & Striped, а подоцна беше фотографирана и со кратки панталончиња.
Лопез сподели неколку фотографии на Instagram. На една од фотографиите, од раката на Џеј Ло блеска прстен, па многумина побрзаа да искоментираат дека Алекс ја побарал за жена.
Близначињата на Лопез, Ема и Макс, и двете ќерки на Родригез одлично се сложуваат и постојано се забавуваат заедно.
Кога се вратија во домот во Хемптонс, Лопез се пресоблече во зелен костим за капење, а Алекс сподели видео од нивните забавни игри со децата.
Џенифер и Алекс беа фотографирани и на вечера во Вест Холивуд. Музичката ѕвезда носеше шик комбинација со риги и голема чанта од Шанел.