Чарли Шин наполни 60 години на 2 септември, но зад него има живот кој малкумина би го преживеале.
Во искрено интервју за списанието People, актерот откри дека е трезен веќе осум години и дека по сè што поминал, вистинско чудо е што сè уште е жив.
Холивудската ѕвезда од „Two and a Half Men“ објасни дека за успешна рехабилитација мора да се има волја, а неговата била поттикната од неговите пет деца, кои се најголем фактор што тој е трезен од 2017 година наваму.
„Немаше каде понатаму да одам“ – рече Шин зборувајќи за дрогата, од која се откажал дури и пред да престане со алкохолот. „Не знам дали е вистина или не, но јас верувам дека следниот пат би можела да ме убие.“
Откако едно утро се разбудил премногу пијан за да ја однесе ќерката Сами на закажан преглед, сфатил дека мора да се промени. Чарли вели дека се откажал од алкохолот, решен да стане татко на кој децата можат да се потпрат. Шин има пет деца – Касандра, Сами, Лола, Боб и Макс – и тие станале неговата мотивација.
Иако вели дека не му е лесно, научил како да се справува со искушението.
„Во главата ми се вртат сеќавања на ужасни моменти од минатото, како оние што ги ставаат над бебешки креветчиња“ – раскажал тој. „Кога и да помислам дека би било убаво да се напијам, веднаш се враќам на срамот, хаосот и болката што секојпат следуваа. Тоа никогаш не исчезна“ – додал Чарли.
Животната приказна на Чарли Шин ќе биде детално раскажана во автобиографијата „The Book of Sheen“ (која излегува на 9 септември) и во двоен документарец на Netflix – „aka Charlie Sheen“ (10 септември).
Сега, Шин ги минува деновите во улога на татко и дедо. Неговата најстара ќерка Касандра, која ја доби на 19-годишна возраст, има три деца.
„Она што е кул е дека нејзините деца ме познаваат само трезен“ – рекол тој и додал дека е благодарен што е жив.
Шин се има предозирано со кокаин еднаш во 1998 година, а неколкупати бил на рехабилитација пред да успее да избега од канџите на зависностите.
