Додека Кристијано Роналдо е ангажиран со репрезентацијата на Португалија на Европското првенство во фудбал, Џорџина Родригез се труди да надомести за неговото отсуство.
27-годишниот модел го славеше 11-тиот роденден на Кристијано Џуниор заедно со нивните три помали деца – Матео, Ева и Алана Мартина. На Instagram, таа сподели фотографии од прославата во Мадрид и напиша:
„Честитки, принцу мој. Задоволство ми е да те гледам како растеш од ден на ден и да го гледам малиот човек во кој се претвораш. Ти благодарам што нè правиш горди. Ти благодарам што си најдобриот постар брат, син и животен партнер. Возбудена сум што гледам толку многу радост и благодарност во твоите очи денес. Ти благодарам што секој ден правиш да се чувствувам како најдобрата мајка на светот. Те сакаат тато, мама и твоите брат и сестри“.
И Кристијано не пропушти да му го честита роденденот на Џуниор. „Многу честитки љубов моја! Ти си гордоста на Тато! 11 години исполнети со многу насмевки и радости. Секогаш бори се за твоите соништа. Те сакаме многу“ – напиша фудбалската ѕвезда на Instagram.
