Како гостинка на Канскиот филмски фестивал, Мерјем Узерли посети неколку настани организирани во рамките на 77-тото издание на големата манифестација.
За секое свое појавување, турската актерка изгледаше сè подобро и подобро.
На црвениот тепих на премиерата на „Megalopolis“, ѕвездата од серијата „Величествениот“ позната по улогата на Хурем Султан, носеше раскошна креација од Souhir El Gabsi.
На Global Gift Gala организирана од Ева Лонгорија, Мерјем носеше гламурозен фустан од Maison Novague.
На црвениот тепих на галата Better World, Узерли зачекори во портокалова креација од брендот Inclover.
Мерјем заблеска во нежна креација со бисери од Maison Novague за настан организиран од Chopard.
За настанот „Women in Cinema“, Мерјем избра црн припиен фустан без прерамки, кој го надополни со впечатлив накит.
