Кирк Даглас доби громогласен аплауз од своите колеги на 75-тото издание на „Златен глобус“ кое синоќа се одржа во Беверли Хилс.
Легендарниот холивудски актер и оскаровец беше дочекан со овации откако се појави на сцената со својата снаа Кетрин Зета-Џонс за заедно да ја доделат наградата за Најдобро сценарио.
Кирк, кој минатиот месец го прослави својот 101. роденден, беше дел од церемонијата како еден од актерите кои се борат против дискриминацијата, сексуалното малтретирање и злоупотребата на работното место.
ВИДЕО
Catherine Zeta-Jones joins her father-in-law Kirk Douglas on stage to present the award for Best Screenplay - Motion Picture! #GoldenGlobes pic.twitter.com/G7ufNHH1Gq
— Golden Globe Awards (@goldenglobes) January 8, 2018
Кирк во својата кариера се има закитено со два Златни глобуси. Во 1967 година, тој беше прогласен за Најдобар актер во драма за филмот „Lust for Life“. Следната година, Кирк беше почестен со престижната награда „Сесил Б. ДеМил“ за својот огромен придонес во светот на филмот.
Согласно неофицијалниот дрес-код на овогодишната манифестација, Кирк и Кетрин избраа црна облека.
Делумно проѕирниот фустан на славната сопруга на Мајкл Даглас е дело на либанскиот дизајнер Зухаир Мурад.
