Џенифер Анистон привлекува многу комплименти со фризурата која потсетува на начинот на кој таа ја носеше косата додека ја глумеше Рејчел во „Friends“.
55-годишната ѕвезда присуствуваше на доделувањето на „People's Choice Awards“, а на свеченоста се закити со наградата ТВ ѕвезда на годината за улогата во „The Morning Show“.
На сцената во „Barker Hangar“ во Санта Моника, Џенифер носеше винтиџ креација дизајнирана од Том Форд за Гучи и сандали од Сен Лоран.
Во текот на вечерта, Анистон повторно се качи на сцената за да го почести својот добар пријател Адам Сендлер со наградата „Икона“.
„Тука сум денес во чест на мојот многу добар пријател. Мојот брат од различна мајка. Неверојатен татко, сопруг и еден од најлојалните пријатели кои некогаш сум ги имала“ – рече Анистон, најавувајќи го Сендлер на сцената.
@tmhspinoff PEOPLE CHOICE AWARDS 202 Así se encontraban #AdamSandler y #JenniferAniston #tmh #tmhspinoff #pca #peoplechoiceawards ♬ RED - STE
