Лорен Санчез му организираше луксузна роденденска забава на својот вереник Џеф Безос во нивниот дом во Беверли Хилс.
На прославата за 60-тиот роденден на основачот на Amazon, 54-годишната новинарка блесна во фустан создаден специјално за неа од Laura Basci. Црвената креација со длабоко деколте и сваровски кристали била рачно изработувана 800 часа.
Својот изглед, Санчез го надополни со чантичка со кристали во форма на ракета од Judith Leiber.
На забавата беа присутни голем број славни личности, меѓу кои Кети Пери и Орландо Блум, Крис Џенер, Парис и Ники Хилтон, Иванка Трамп, Томи Хилфигер, Роби и Ајда Вилијамс.
Пред неколку дена, Лорен, која е пилот на хеликоптер, доби награда заедно со принцот Хари како дел од група луѓе „кои ја оформуваат историјата и иднината на летовите“.
