Синоќа, беа спуштени завесите на 43-тото издание на ИФФК „Браќа Манаки“.
Пред да се одржи свечената церемонија на доделување на главните награди, бројни гости зачекорија на црвениот тепих пред Центарот за култура во Битола.
Министерката за култура Бисера Костадиновска – Стојчевска, амбасадорката на САД Кејт Мари Брнз, директорот на фестивалот Симеон Мони Дамевски, битолскиот градоначалник Тони Коњановски, поранешната градоначалничка на Битола Наташа Петровска, лауреатот на „Специјалната златна камера 300“ Џон Метисон и десетици љубители на филмската уметност присуствуваа на свеченото затворање на Фестивалот.
На последниот ден беше прикажан македонскиот филм „Снежана на крајот умира“, чиј режисер е Кристијан Ристески, а директори на фотографија се Димо Попов и Севдије Кастрати.
