Во домот на Енрике Иглесијас и Ана Курникова владее навивачки дух додека трае Светското првенство во фудбал, а особено кога се натпреваруваат нивните родни земји.
37-годишната поранешна тенисерка сподели слатки фотографии од нивните мали близначиња додека навиваа за време на мечот помеѓу Русија и Шпанија.
На едната фотографија малите Николас и Луси носат дресови од шпанската репрезентација, родната земја на татко им Енрике, додека на другата, се облечени во маички кои покажуваат дека се навивачи за тимот на Русија, од каде потекнува мајка им Ана.
И претходно Енрике и Ана споделуваа фотографии од следењето на фудбалски натпревари со нивните деца.
Ана и Енрике, кои се во врска 16 години, станаа родители во декември минатата година.
