Селена Гомез остави зад себе година полна со здравствени проблеми. Славната пејачка помина низ трансплантација на бубрег како последица на компликации од лупус, а освен тоа, се бореше со депресија и анксиозност.
За најновото издание на Harper’s Bazaar, 25-годишната музичарка и актерка сними мото фотосесија и зборуваше за здравјето, социјалните мрежи и стилот.
На прашањето дали очекува 2018 да биде подобра година од претходната, таа одговори: „Ќе речам Да, бидејќи верувам во тоа за себе. Секој што ме познава знае дека ќе започнам со моето здравје и мојата благосостојба. Имав многу проблеми со депресија и анксиозност и бев отворена за тоа, но тоа не е нешто кое чувствувам дека некогаш ќе го надминам. Нема да има ден кога ќе си мислам: ‘Еве сум во убав фустан – победив!’ Мислам дека е битка со која ќе морам да се соочувам до крајот на мојот живот и тоа е ОК, затоа што знам дека се избирам себеси пред сè останато. Ја започнувам годината со таа мисла. Сакам да се погрижам да бидам здрава. Ако тоа е добро, сè друго ќе си дојде на своето место.“
Опишувајќи го стилот во приватниот живот, Гомез рече: „Дефинитивно кежуал. Дури и кога не вежбам, изгледам како да одам на вежбање.“
Со оглед на тоа што е најпопуларна личност на Instagram, не беше чудно што таа беше прашана за нејзиното гледиште кон оваа мрежа за споделување фотографии. „Имам комплексна врска со Instagram… Toa е неверојатна платформа, но на многу начини им дава на младите луѓе, вклучително и мене, погрешна претстава за тоа што е важно“ – рече таа.
Неколку недели по Нова година, извори блиски до Гомез споделија дека таа по празниците извесно време престојувала во центар за лекување на депресија и анксиозност.
