Во модната индустрија денес сè почесто се ангажираат plus-size модели, но дали овој тренд започнува да ги преминува границите?
Тес Холидеј е најкрупниот модел кој веќе неколку години се пробива во модниот свет, а овој месец таа ја доби насловната страница на „Self“, списание кое е посветено на здравје, правилна исхрана, фитнес и убавина.
„Многу сум возбудена. Тотално надреално е да се види дебело тело на насловната страница на списание за здравје. Благодарам 'Self' што ја менувате играта со мене“ – напиша Тес на фотографијата од насловната страница која ја објави на својот профил на Instagram.
„Здравјето на Тес не е ваша работа“ - стои на корицата.
Многумина го поддржуваат овој потег на списанието, но бројни се и лицата кои коментираат дека промовирањето на дебелината испраќа погрешна порака.
„Во ред е да не си здрава, тоа е твоја работа, но само немој да го промовираш тоа“, „Ова е одвратно за гледање“, „Ова е толку неодговорно колку што се рекламите за промовирање на пушењето“ – се дел од коментарите за сторијата за Тес на познатото списание.
Во интервјуто, Холидеј изјавила дека веќе не се грижи за туѓото мислење и дека другите луѓе не треба да го коментираат нејзиното здравје.
На почетокот велев дека сум здрава, дека холестеролот ми е добар, дека немам висок притисок и немам дијабетес. Со тоа што им кажуваш на луѓето дека одиш на доктор и со тоа што им кажуваш дека си здрава, го поттикнуваш малтретирањето на поголемите тела и размислувањето дека им должиш на луѓето да бидеш здфрава. Реалноста е дека не им должам ништо и дека не морам да докажувам дека сум здрава или не, тоа не е нивна работа“ – рекла Тес во интервјуто. „Одбивам да им докажувам дека сум здрава на луѓе кои не се грижат за мене“ – додала таа.
„Не можеш да им судиш на луѓето за тоа што тие сами си го прават на своите тела“ – објаснила Тес.
Тес има две деца. За време на втората бременост се засилија коментарите од типот: „Ќе си го убиеш бебето бидејќи си предебела“, „Нема да доживееш да го гледаш твоето дете како расте“ и „Твоето дете ќе биде деформирано“, но Тес тврди дека критиките повеќе не допираат до нејзиното срце.