Иако имала тешко детство исполнето со навреди и исмејувања за изгледот, Вини Харлоу денес се гордее со своето тело. 23-годишната манекенка со витилиго не ја сокрива здравствената состојба, напротив, таа се труди да ја потенцира нејзината уникатност.
Познатата Канаѓанка ги покажа белите дамки на кожата по бикини на плажа. Црно-белиот костим за капење е од модната куќа Диор.
„Вистинската разлика не е мојата кожа, туку фактот што јас не ја пронаоѓам мојата убавина во мислењата на другите. Јас сум убава затоа што го знам тоа. Славете ја Вашата уникатна убавина денес (и секој ден)“ – напиша неодамна Вини на Instagram.
Харлоу, чие вистинско име е Шантел Браун-Јанг, поседува огромна самодоверба и амбициозност со помош на кои се издигна во модниот свет.