Почина Вили Гарсон. Славниот актер, кој многу од нас го паметат како Стенфорд Блеч од „Сексот и градот“, издиша за последен пат на 57-годишна возраст.
Познатиот Американец се бореше со рак на панкреасот, но не е потврдено дали тоа е причината за неговата смрт.
Тажната вест ја објави неговиот син, Нејтан. Во објава на социјалните мрежи тој напиша:
„Те сакам многу тато. Почивај во мир и драго ми што ги споделуваше сите твои авантури со мене и постигна толку многу. Горд сум на тебе. Секогаш ќе те сакам, но сметам дека сега е време да одиш на твојата авантура. Секогаш ќе бидеш со мене. Те сакам повеќе отколку што знаеш и мило ми е што сега можеш да бидеш во мир. Ти секогаш беше најсилниата, најсмешната и најзабавната личност која ја познавам. Мило ми е што ја сподели твојата љубов со мене.“
Гарсон изминатиов период снимаше неколку сцени од продолжението на „Сексот и градот“, насловено „And Just Like That...“. За последен пат, тој беше фотографиран на сетот во јули.
Синтија Никсон, Ким Катрал, Крис Нот... Колегите од „Сексот и градот“ со постови на социјалните мрежи му оддадоа почит на Гарсон.
So deeply, deeply sad we have lost @WillieGarson. We all loved him and adored working with him. He was endlessly funny on-screen and and in real life. He was a source of light, friendship and show business lore. He was a consummate professional— always. pic.twitter.com/G63EJIj8lG
— Cynthia Nixon (@CynthiaNixon) September 22, 2021
Such sad news and a terribly sad loss to the SATC family. Our condolences and RIP dear Willie xo pic.twitter.com/yXhPkxRTv3
— Kim Cattrall (@KimCattrall) September 22, 2021
„Семејството на ‘Сексот и градот’ изгуби еден член. Неговата душа и посветеност беа присутни секој ден на снимањето на ‘And Just Like That...’ Тој беше таму, давајќи сè од себе и додека беше болен“ – изјавил продуцентот на серијата, Мајкл Патрик Кинг.
