Луѓето честопати мислат дека нема ништо лошо во тоа да постават прашање кое ја засегнува туѓата приватноста. Колку пати сте добиле прашања од типот: „Кога бебе?“, „Кога свадба?“, „Колку пари земаш?“ и сл.?
Криси Тиген одлучи да ѝ возврати на обожавателка која ја праша дали е бремена поради стомачето на една од фотографиите споделени на Instagram.
„Знам дека не мислеше да бидеш груба, но мисли двапати пред да го поставиш ова прашање. Постојат луѓе што не можат да забременат и ги боли секојпат. Не сум бремена, но би била среќна доколку бев. Но, исто така сум среќна што не сум бремена“ – напиша таа.
Криси отсекогаш била искрена и отворена за нејзината борба со неплодноста. Уште пред раѓањето на ќерката Луна, таа сподели дека со Џон Леџенд долго време неуспешно се обидувале да имаат дете. И ќеркичката Луна и синчето Мајлс беа зачнати со ин витро.