Пинк ја доби престижната награда „Икона“ на Billboard Music Awards.
На свеченоста, која синоќа се одржа во Лос Анџелес, 41-годишната музичка ѕвезда беше придружувана од двете деца, ќеркичката Вилоу и синчето Џејмисон.
Славното трио со широки насмевки позираше на црниот тепих.
Џон Бон Џови ѝ ја врачи наградата „Икона“ на Пинк.
„Како мала, отсекогаш сонував да станам пејачка и да ја споделувам мојата љубов кон музиката со светот. Години подоцна, тешко ми е да поверувам дека ја добив наградата 'Икона' на Billboard Music Awards“ – изјави Пинк.
Пинк и малата Вилоу ја изведoa нивната заедничка песна „Cover Me In Sunshine“ и одушевија со акробатски настап во воздух.
Видео
