Луисана Лопилато го донесе на овој свет своето трето дете. Ѕвездата од серијата „Млади бунтовници“ и Мајкл Бубле добија ќерка.
Среќната вест ја објави самата Луисана и сподели преслатка фотогррафија од рачето на бебенцето. Според информации од странските медиуми, девојчето го добило името Вида.
„Како да објаснам дека нашите срца ќе експлодираат од љубов? Нема доволно часа во денот за да се размислува за тоа. Му благодарам на Бога што ни го даде овој дар на живот и среќа! Бидејќи гледањето во нејзините очи е како гледање во самото небо! Те сакаме до бескрај и пошироко. Те чекавме не само за да ја зголемиш нашата фамилија... ни даде светлина, надеж и конечно си и ќе бидеш Живот на нашата душа!“ – напиша Луисана во описот на фотографијата.
31-годишната актерка и 42-годишниот пејач имаат и две мали синчиња, 4-годишниот Ноа и 2-годишниот Елијас.
Неколку дена пред породувањето, Луисана сподели слатка фотографија со синовите.
Во ноември 2016 година, славниот пар соопшти дека нивното синче Ноа се бори со рак на црниот дроб. За среќа, момчето успеа да се избори со страшната болест.
Луисана и Мајкл се во брак од 2011 година.
