Миранда Кер е бремена. 34-годишниот модел го очекува своето прво дете со Еван Спигел.
Претставник на парот ја потврдил среќната вест со соопштение за медиумите во кое се вели: „Миранда, Еван и Флин со нетрпение го очекуваат доаѓањето на новиот член на нивното семејство.“
Убавата Австралијка и основачот на Snapchat стапија во брак во мај годинава, по двегодишна врска. Свадбената церемонија се одржа во домот на познатиот милијардер, а Кер блескаше во креација од Диор инспирирана од Грејс Кели.
Ова е втор брак за Кер, која претходно беше во брак со Орландо Блум. Миранда и Орландо заедно имаат едно дете – шестгодишниот син Флин.