Американските медиуми денес објавија дека Меган Фокс и Брајан Остин Грин тајно стапиле во брак.
Младиот пар не чекаше долго по втората свршувачка и го кажа судбоносното „Да“ на интимна церемонија во Хаваи. Популарниот интернет портал TMZ прв ја објави веста за свадбата, но потоа многу други медиуми ја потврдија.
Брајан Остин Грин и Меган Фокс
Фокс и Грин се запознале уште во 2004г. и две години подоцна се свршиле. Но, во февруари 2009 ја откажаа свршувачката по взаемна согласност. Пред две недели се појави вест дека Брајан повторно ја побарал раката на популарната актерка додека биле на одмор во Хаваи.
Можеби беа потребни две свршувачки, но славниот пар конечно стапи во брак. И за двајцата ова е прв брак.
