Мадона отпатува во Малави за да ја прослави првата годишнина од основањето на Центарот за детски операции и интензивна нега „Мерси Џејмс“, кој го носи името на една од нејзините ќерки.
59-годишната пејачка сподели семејна фотографија на Instagram, на која позира со сите шест деца. „Дрво на животот... Детска болница ‘Мерси Џејмс’!!! Една година подоцна“ – напиша Мадона на фотографијата со 21-годишната Лурдес, 17-годишниот Роко, 12-годишните Мерси и Дејвид и 5-годишните близначки Естер и Стела.
Центарот, кој е создаден благодарение на Мадона, беше отворен на 11 јули 2017 година.
Мадона има две биолошки деца и четири посвоени деца кои потекнуваат токму од Малави.